Крыніца:/http://ntdtv.ru/60592-v-kieve-vpervye-vystupil-evropejskij-duhovoj-orkestr-tian-guo/
All posts by Editor
Жыхары Украіны хочуць бачыць больш мерапрыемстваў Фалуньгун
27 траўня практыкуючыя Фалуньгун Украіны правялі ў Кіеве серыю мерапрыемстваў, прысвечаных 25-годдзю першага публічнага прадстаўлення Фалунь Дафа, у тым ліку дэманстрацыю калектыўнага выканання практыкаванняў і вялікі парад, каб распавесці грамадскасці пра Фалуньгун і пра пераследы гэтае мірнае практыкі ў Кітаі.
З нагоды юбілейнае падзеі ва Украіну быў запрошаны духавы аркестр Цянь Го з Еўропы. Для ўдзелу ў святочным мерапрыемстве прыехалі 65 музыкаў з 10 краінаў Еўропы: Італіі, Фінляндыі, Германіі, Галандыі, Швейцарыі ды іншых. Яны хацелі распавесці жыхарам Украіны пра прыгажосць ды веліч Фалунь Дафа.
Аркестр узначаліў урачыстую калону парада і сваёй цудоўнай музыкай прыцягнуў увагу шматлікіх жыхароў і гасцей горада. Музыкі ўпершыню выступалі ва Украіне.
Апроч кіеўскіх практыкуючых у парадзе прынялі ўдзел паслядоўнікі Фалунь Дафа з розных гарадоў Украіны, Расіі, Беларусі, Кіргізіі ды Ізраіля.
З самае раніцы ў Кіеве неба абклалі цяжкія хмары. Ліў дождж. Але нягледзячы на непагадзь, усе ўдзельнікі святочнага парада пастроіліся ў калону і вырушылі. Урачыстае шэсце скончылася на Майдане Незалежнасці. Да гэтага часу дождж скончыўся, ззяла сонца і неба стала блакітным.
Мясцовы медыя-канал KNK Media асвятляў мерапрыемствы Фалуньгун, якія праходзілі ўвесь дзень.
Пачатак мерапрыемстваў, якія праходзілі ўвесь дзень
Паказ практыкаванняў
Мінакі падпісваюць петыцыю, выказваючы асуджэнне пераследам
Дзяўчаты спыніліся, каб больш даведацца пра Фалуньгун
Калону парада ачольваў духавы аркестр Цянь Го. За ім следавала група практыкуючых, якія выконвалі танец лотаса і танец цмока, а таксама дэманстравалі практыкаванні Фалуньгун.
Адзін з гледачоў, які назіраў за парадам, пахваліў аркестр, сказаўшы: «Гэта так прыгожа. Маё сэрца спявала разам з імі ». Іншы чалавек сказаў, што музыка аркестра можа «ачысціць душу».
Мясцовая жанчына заклікала практыкуючых часцей выступаць у Кіеве.
«Сёння мы чулі зусім іншую музыку, якая прадстаўляе іншую культуру. Гэтая Музыка раптам спыніла мяне і прымусіла задумацца. Я адчула такі спакой. Ваш гурт павінен часцей праводзіць такія выступы! Нашае жыццё будзе больш шчаслівым!»- сказала яна.
Духавы аркестр Цянь Го ўпершыню выступіў на парадзе ў Кіеве
Дзеці разам з бацькамі ў нацыянальных строях у калоне парада
Практыкуючыя ў белай вопратцы трымаюць у руках партрэты тых, хто загінуў у Кітаі ў выніку пераследу
Апроч азнаямлення з Фалуньгун, практыкуючыя таксама выкрывалі жорсткі пераслед гэтае практыкі, які ажыццяўляецца камуністычным рэжымам у Кітаі ды заклікалі дапамагчы спыніць гэтыя злачынствы.
Многія людзі, якія спыняліся, каб выказаць сваю падтрымку, ужо чулі пра пераследы. Быў час, калі яны таксама жылі пад уладай праўлення камуністычнае партыі, таму разумеюць цяжкае становішча тых, каго душыць кітайскі рэжым. Вельмі многія падпісалі петыцыю, каб падтрымаць мірны супраціў практыкуючых і асудзіць злачынствы камуністычнага рэжыму.
Адзін з мінакоў сказаў: «Адзін ці два подпісы, магчыма, не маюць вялікага значэння, але калі кожны падпіша петыцыю, гэта будзе мець дастаткова вялікую сілу, каб спыніць пераследы”.
Практыкуючы адзначыў, што, хоць Фалуньгун і ўзнік у Кітаі, але яго кіруючыя прынцыпы «Ісціна, Дабрыня, Цярпенне» з’яўляюцца ўніверсальнымі і прыносяць карысць людзям ва ўсім свеце.
Крыніца:/ru.minghui.org/
Версія па-ангельску знаходзіцца тут
Віншуем шаноўнага Настаўніка з Днём Народзінаў!
(Каб праглядзець у павялічаным памеры, націсніце на выяву)
На форуме ў Германіі прапанавалі 6 спосабаў спынення незаконнага здабывання органаў у Кітаі
Удзельнікі форуму ў Берліне: (злева направа) Ван Джыюань, Арнэ Шварц, Ніэ Сэн, Арнэ Герыке, Марцін Патцэльт, Этан Гутман і Чарльз Лі. Фота: Jason Wang / The Epoch Times
Пытанне пра забойства ў Кітаі вязняў сумлення дзеля іх органаў ужо на працягу дзесяці гадоў абмяркоўвалася падчас шматлікіх дыскусіяў на тэму правоў чалавека ў Кітаі, але адказы на яго заўсёды былі невыразнымі і непераканаўчымі. Што Захад павінен зрабіць, сутыкнуўшыся з «новай формай зла», як гэта называюць некаторыя даследнікі? Нямецкія заканадаўцы і вядучыя міжнародныя даследнікі, якія сабраліся на грамадскім форуме ў гатэлі Albrechtshof ў цэнтры Берліна 28 кастрычніка прапанавалі 6 спосабаў спыніць здабыванне органаў у Кітаі. /epochtimes.ru/
Форум быў скліканым Сусветнай арганізацыяй па расследаванні пераследаў у дачыненні да Фалуньгун, супольнiкi якой займаюцца сістэматызацыяй доказаў злоўжыванняў супраць паслядоўнікаў духоўнай практыкі Фалуньгун у Кітаі.
Пасля прэзентацыі аб’ёмнага даклада пра тое, што здабыванне органаў у Кітаі адбываецца ў вялікіх маштабах, нямецкія дэпутаты прапанавалі шэраг мер, якія могуць быць прынятымі ва ўсім свеце, каб пакласці канец злачынствам супраць чалавечнасьці.
На працягу многіх гадоў даследнікі збіралі доказы таго, што асноўнай крыніцай органаў для трансплантацыі з’яўляюцца зняволеныя ў турмы паслядоўнікі духоўнай практыкі Фалуньгун. З 2000 года ў іх пачалі браць аналізы крыві і па першым патрабаванні бальніц вымаць органы для пацыентаў, якія маюць патрэбу ў перасадцы. Аперацыя па здабыванні праводзіцца ў жывога чалавека, пасля чаго ён памірае на аперацыйным стале. У дакладзе, апублікаваным у гэтым годзе, сцвярджаецца, што ў Кітаі штогод выконвалася ад 60 000 да 100 000 трансплантацыяў пачынаючы з 2000 года.
Удзельнікі форуму прапанавалі для заходніх краінаў 6 спосабаў спыніць здабыванне органаў у Кітаі.
Асудзіць публічна
«Важна націснуть на Кітай», — сказаў Марцін Патцэльт, нямецкі дэпутат ад партыі кансерватараў, які вельмі цікавіцца правамі чалавека. Спадар Патцэльт дапамагаў размяшчаць бежанцаў з Эрытрэі.
Марцін Патцэльт, нямецкі дэпутат ад партыі кансерватараў, на форуме ў Берліне 28 кастрычніка 2016 года. Фота: Jason Wang / The Epoch Times
Адзін са спосабаў аказання ціску — асуджэнне пасродкам рэзалюцый, адзначыў Патцэльт. У гэтым годзе Палата прадстаўнікоў Кангрэсу ЗША і Еўрапейскі парламент прынялі рэзалюцыі, якія асуджаюць здабыванне органаў у паслядоўнікаў Фалуньгун у Кітаі. Патцэльт лічыць, што нямецкі парламент таксама павінен прыняць аналагічную рэзалюцыю.
Спыніць навучанне кітайскіх хірургаў
Заходнія краіны актыўна навучаюць кітайскіх хірургаў, паводле дадзеных кітайскага ўрада і бальнічных сайтаў.
«Мы будзем даследаваць, у якіх інстытутах кітайскія дактары праходзяць падрыхтоўку. Нам трэба прыняць законы, каб перашкодзіць ім рабіць гэта, — заявіў Патцэльт. — Нашыя парламентарыi павінны таксама націснуть на гэтыя ўстановы».
Забараніць ўезд дактарам, звязаным з гвалтоўным атрыманнем органаў
Шматгод Злучаныя Штаты патрабуюць ад замежнікаў, якія перасякаюць мяжу, пазначыць у мытнай дэкларацыі, што яны не ўдзельнічаюць у прымусовым здабыванні чалавечых органаў.
Арнэ Шварц, незалежны даследнік гандлю органамі, прапанаваў Германіі ды іншым краінам прыняць аналагічную палітыку. Дактары, замешаныя ў гэтых злачынствах, не прызнаюцца ў гэтым, але калі пазней высвятляецца, што яны займаліся здабываннем органаў, урад ЗША мае падставы дэпартаваць іх.
«Нам вядомыя імёны некаторых дактароў, якія ўдзельнічаюць у здабыванні органаў … Калі яны выязджаюць за мяжу, мы павінны адмовіць ім ва ўездзе», — сказаў чалец Еўрапейскага парламента Арнэ Герыке.
Аказаць ціск на заходнія фармацэўтычныя фірмы
Шварц звярнуў увагу на тое, што шматлікія заходнія фармацэўтычныя фірмы праводзілі неэтычныя клінічныя выпрабаванні ў Кітаі, а таксама пастаўлялі прэпараты для пацыентаў, якія атрымалі органы ў Кітаі.
Чалец Еўрапейскага парламента Арнэ Герыке выступае на форуме ў Берліне 28 кастрычніка 2016 года. Фота: Jason Wang / The Epoch Times
«Мы павінны пачаць з сябе і дапытаць тыя заходнія фармацэўтычныя кампаніі, якія пастаўляюць у Кітай лекі для пацыентаў пасля перасадкі органаў, гэтым чынам падтрымліваючы “чорную транспланталогію” ў Кітаі. Гэта вельмі важна», — адзначыў Патцэльт.
Прыняць законы, якія прадухіляюць «трансплантацыйны турызм»
Бум трансплантацыі органаў у Кітаі быў часткова выкліканы замежнымі турыстамі, якія прыязджаюць туды, каб атрымаць ныркі, печань ці сэрца. Ізраіль, Іспанія і Тайвань прынялі законы, якія забараняюць страхавое пакрыццё і ўстанаўліваюць крымінальную адказнасць за такую практыку.
«Мы павінны прадугледзець у нямецкім заканадаўстве, што той, хто едзе ў іншую краіну для перасадкі органа, павінен мець дакладнае ўяўленне пра ягоную крыніцу і даказаць ягоную легальнасць. Мы павінны прынамсі звесці да мінімуму магчымасць удзелу немцаў у гэтай злачыннай дзейнасці», — сказаў Герык.
Падвысіць ўзровень інфармаванасці пра здабыванне органаў
Сведчанні пра здабыванне органаў у паслядоўнікаў Фалуньгун з’явіліся ў 2006 годзе. Неабходна, каб грамадскасць, палітыкі і сродкі масавай інфармацыі былі цалкам дасведчаныя пра гэтую злачынную дзейнасць ў Кітаі і яе маштабы.
«Некаторыя чальцы парламента кажуць, што гэта немагчыма, — адзначыў Патцэльт. — Я лічу, што магчыма, мы проста ніколі не рабілі гэта. Мы павінны мець мужнасць, каб стаць на гэты шлях, і тады мы зможам шмат што змяніць».
Доктар Ван Джыюань, прэзідэнт Сусветнай арганізацыі па расследаванні пераследаў у дачыненні да Фалуньгун (САРПФ), выступае на форуме ў Берліне 28 кастрычніка 2016 года. Фота: Jason Wang / The Epoch Times
На форуме таксама выступілі Этан Гутман, аўтар кнігі «Бойня»; Ван Джыюань, прэзідэнт Сусветнай арганізацыі па расследаванні пераследаў у дачыненні да Фалуньгун (САРПФ); прафесар Ніэ Сэн, віцэ-прэзідэнт САРПФ; Крыстафэр Штрассер, сябра Бундэстагу Нямеччыны і былы ўпаўнаважаны па правах чалавека ў Германіі; Чарльз Лі, былы вязень сумлення і сябра САРПФ.
Крыніца: Вялікая Эпоха
Віншаванне Настаўніку з 65-годдзем ад практыкуючых Фалунь Дафа Беларусі
(Каб праглядзець у павялічаным памеры, націсніце на выяву)
Арганізацыя па барацьбе з парушэннямі ў галіне трансплантацыі намінаваная на Нобелеўскую прэмію міру
Арганізацыя «Лекары супраць гвалтоўнага здабывання органаў» (DAFOH) намінаваная на Нобелеўскую прэмію міру, гаворыцца ў прэс-рэлізе групы. DAFOH – гэта група лекараў з усяго свету, якія змагаюцца супраць парушэнняў у галіне транспланталогіі. /epochtimes.ru/
«DAFOH рады паведаміць, што мы намінаваныя на Нобелеўскую прэмію міру-2016», – напісаў у электронным лісце д-р Торстэн Трэй, дырэктар арганізацыі.
«Намінацыя, пра якую мы даведаліся ўсяго пару дзён таму – прызнанне нашае працы па абароне этычных нормаў у галіне медыцыны і асвятлення тэмы, якую нямногія асмельваюцца закрануць».
Вылучаць нейкую асобу або групу на Нобелеўскую прэмію могуць чальцы парламента, прафесара, юрысты і эксперты. Яны павінны напісаць у Нарвежскі нобелеўскі камітэт ліст з прапановай кандыдатуры і тлумачэннем, чаму гэты чалавек альбо арганізацыя заслугоўваюць Нобелеўскую прэмію.
Адным з людзей, якія прапанавалі вылучыць DAFOH – д-р Ліам Фокс, чалец брытанскага парламента і былы міністр абароны Велікабрытаніі. Іншыя асобы, якія падтрымалі намінацыю DAFOH, вырашылі застацца ананімнымі.
«Д-р Фокс лічыць, што гэта вельмі важная праблема», – заявіў у тэлефонным інтэрв’ю прадстаўнік офіса д-ра Фокса.
У сваім лісце Нобелеўскаму камітэту Фокс напісаў: «DAFOH цвёрда настроены пакласці канец гвалтоўнаму выманню органаў. Іх дэталёвыя даследаванні сведчаць, што ў Кітаі па-ранейшаму існуе незаконны гандаль органамі “.
Ён пералічыў дзейнасць DAFOH, уключаючы арганізацыю петыцыі вярхоўнаму камісару ААН па правах чалавека ў 2013 годзе Петыцыю падпісалі два мільёны чалавек ва ўсім свеце. DAFOH рэгулярна публікуе артыкулы аб парушэнні ў галіне транспланталогіі ў Кітаі і іншых краінах. Арганізацыя выпускае часопіс раз на квартал.
DAFOH і яго эксперты выкрылі сістэму гвалтоўнага здабывання органаў у Кітаі. Гэтай трансплантацыйнай сістэмай кіруюць кітайскія ваенныя і грамадзянскія шпіталі і апарат грамадскае бяспекі. Адной з галоўных ахвяр гвалтоўнага здабывання органаў у Кітаі з’яўляюцца паслядоўнікі Фалуньгун – духоўнае практыкі, якую кампартыя перасьледуе з 1999 г.
«Намаганні DAFOH па інфармаванні і спробы спыніць гвалтоўнае выманне органаў у вязняў сумлення і паслядоўнікаў Фалуньгун – гэта важны ўнёсак па абароне правоў ва ўсім свеце», – напісаў Фокс ў лісце.
«Я спадзяюся, што вы сур’ёзна разгледзіце DAFOH як кандыдата на атрыманне Нобелеўскае прэміі міру-2016».
Д-р Трэй адзначыў, што парушэнні ў галіне трансплантацыі ў Кітаі засланяюць па маштабах падобныя парушэнні ў іншых краінах.
«Інфармацыя аб выманні органаў у паслядоўнікаў Фалуньгун ўпершыню прасачылася 10 гадоў таму. З тых часоў DAFOH адыграў перадавую ролю ў выкрыцці гэтага злачынства і заклікае да захавання этычных стандартаў у галіне трансплантацыі», – кажа Трэй.
«Па меры раскрыцця фактаў перасадкі органаў у Кітаі колькасць чальцоў нашае групы ўзрасла. Зараз у арганізацыі знаходзяцца больш як 7000 лекараў, медсясцёр, медыцынскіх адмыслоўцаў і ўрадавых чальцоў».
Тут Вы можаце падпісаць Петыцыю Заклік да Вярхоўнага камісара ААН па правах чалавека накіраваць незалежную групу для правядзення расследавання здабывання органаў у жывых людзей.
Крыніца: www.epochtimes.ru
На былога генеральнага сакратара Цзян Цзэміня ў Кітаі рыхтуюцца судовыя пазовы за генацыд
На былога генеральнага сакратара Цзян Цзэміня ў Кітаі рыхтуюцца судовыя пазовы за генацыд
Надпіс на плакаце: «Прыцягнуць Цзяна да правасуддзя». Фота: The Epoch Times
Члены адной з самых шматлікіх груп, якія церпяць пераслед з боку кампартыі, — духоўнай практыкі Фалуньгун — збіраюцца падаць у Кітаі судовы пазоў на былога генеральнага сакратара Цзян Цзэміня, абвінавачваючы яго ў генацыдзе і злачынствах супраць чалавечнасьці. /epochtimes.ru/
1 траўня ў Кітаі ўступілі ў сілу патрабаванні уладаў, выкладзеныя ў цыркуляры пад назвай «Меркаванні аб рэформе сістэмы рэгістрацыі і вядзення судовых спраў». У дакуменце ў прыватнасці гаворыцца, што ўсе справы павінны быць разгледжаныя і па ўсіх пазовах павінна быць афіцыйная рэакцыя суда. У выпадку адмовы рэгістраваць справу, зацягвання працэсу пад любымі падставамі, адказныя за гэта прыставы будуць «строга пакараныя ў адпаведнасці з законамі і правіламі».
Прыхільнікі Фалуньгун хочуць скарыстацца гэтымі новымі патрабаваннямі уладаў і распачаць судовую справу супраць Цзян Цзэміня.
Пра гэта паведаміла паслядоўніца гэтага духоўнага руху У Фэнчунь, якая жыве ў Аўстраліі. Яна падвяргалася катаванням у Кітаі падчас зняволення за свае духоўныя перакананні. Пасля яна здолела выехаць з краіны.
«Я лічу, што вельмі важна падаць пазоў на Цзян Цзэміня ў Кітаі, бо ён падвергнуў рэпрэсіям не толькі групу Фалуньгун, але і ўсю кітайскую нацыю. Ён павінен адказаць за гэтыя злачынствы. Я хачу абараніць свае парушаныя ў Кітаі правы з дапамогай кітайскіх законаў. Таму я збіраюся знайсці ў Кітаі адваката, каб ён падрыхтаваў пазоў. Я таксама спадзяюся, што мяне падтрымаюць і ўсе астатнія мае аднадумцы. Ужо ёсць нямала такіх, хто таксама плануе падаць у Кітаі пазоў на Цзяна», — распавяла У Фэнчунь ў інтэрв’ю журналісту The Epoch Times.
Менавіта Цзян Цзэмінь 16 гадоў таму без якога-небудзь юрыдычнага абгрунтавання, сваім аднаасобным рашэннем, абвясціў самую папулярную ў той час у Кітаі духоўна-аздараўленчую практыку Фалуньгун па-за законам і пачаў рэпрэсіі, якія па маштабах і жорсткасці сталі беспрэцэдэнтнымі ў гісторыі.
Нядаўна ў Кітаі ўжо адбыўся першы прэцэдэнт падачы пазову на былога генеральнага сакратара. 11 мая паслядоўнік Фалуньгун Чжан Чжаасэнь поштай адправіў пазоў на Цзян Цзэміня ў Вярхоўную народную пракуратуру і Вярхоўны суд КНР.
15 мая ў акруговым судзе сярэдняй інстанцыі горада Сян’ян правінцыі Хубэй праходзіла судовае паседжанне па справе Чжана, якога абвінавачваюць у «распаўсюдзе інфармацыі пра Фалуньгун праз Інтэрнэт». Прама ў зале суда Чжан таксама падаў пазоў на Цзян Цзэміня, і гэты пазоў быў прыняты, а самога Чжана адпусцілі дадому пад заклад.
Нягледзячы на тое, што Фалуньгун перасьледуецца ў Кітаі ўжо шмат гадоў, да гэтага часу няма ні аднаго дакумента кампетэнтнага органа, які пацвярджае законнасць гэтага пераследу. Кітайскія адвакаты ўжо даўно адкрыта заяўляюць, што забарона Фалуньгун і рэпрэсіі прыхільнікаў гэтай практыкі адбываюцца ў парушэнне законаў і канстытуцыі краіны. Пры гэтым колькасць загінулых ад гэтых рэпрэсій складае дзесяткі тысяч, не лічачы тых, хто ў выніку катаванняў стаў калекай, альбо жа яны ледзь не страцілі розум.
За апошнія два гады, у ходзе распачатай цяперашнім генеральным сакратаром Сі Цзіньпінам антыкарупцыйнай кампаніі, пад суд ужо патрапілі многія актывісты рэпрэсій з фракцыі Цзян Цзэміня. Аднак іх пакуль афіцыйна абвінавачваюць толькі ў карупцыі, не згадваючы пра іх удзел у рэпрэсіях.
У Кітаі рэпрэсіі паслядоўнікаў Фалуньгун ўсё яшчэ працягваюцца, але прыхільнікі гэтага руху заклікаюць Сі Цзіньпіна не браць на сябе груз злачынстваў свайго папярэдніка і прыцягнуць яго да суду.
«У гэтым стагоддзі самай вялікай катастрофай правоў чалавека ў кітайскім грамадстве з’яўляецца падаўленне Цзян Цзэмінем дзесяткаў мільёнаў паслядоўнікаў Фалуньгун. Набліжаецца той дзень, калі Цзян паўстане перад судом», — лічыць прадстаўнік Тайваньскай калегіі адвакатаў па абароне правоў прыхільнікаў Фалуньгун Чжу Ваньці.
У кастрычніку 2012 года за межамі Кітая была створана «Міжнародная арганізацыя па прыцягненню да адказнасці Цзян Цзэміня за пераслед Фалуньгун».
Сябры арганізацыі паставілі перад сабой мэту расследаваць ўсе этапы пераследу прыхільнікаў Фалуньгун, падрыхтаваць доказную базу і прыцягнуць да суду не толькі галоўнага ініцыятара пераследу — Цзян Цзэміня, але і ўсіх яго саўдзельнікаў, аж да радавых ахоўнікаў і паліцыянтаў.
У дзясятках краін ужо даўно пададзеныя судовыя пазовы на Цзян Цзэміня і яго бліжэйшых паплечнікаў, якія актыўна ўдзельнічаюць у рэпрэсіях. Іх абвінавачваюць у генацыдзе і злачынствах супраць чалавечнасьці ў дачыненні да прыхільнікаў Фалуньгун.
Крыніца: Вялікая Эпоха
Гадавіна апеляцыі Фалуньгун: інтэрв’ю з сакратаром былога генеральнага сакратара КНР
Гадавіна апеляцыі Фалуньгун: інтэрв’ю з сакратаром былога генеральнага сакратара КНР
Баа Тун — сакратар былога генеральнага сакратара КНР Чжаа Цзыяна. Фота: The Epoch Times
У суботу, 25 красавіка, адзначалася гадавіна з дня апеляцыі да ўрада Кітая 10 тысяч прыхільнікаў духоўнай практыкі Фалуньгун, якая стала самай буйной акцыяй пасля студэнцкіх дэманстрацый у 1989 годзе. Праз тры месяцы пасля гэтага мірнага звароту ў краіне пачаліся самыя жорсткія і маштабныя рэпрэсіі ў гісторыі. /epochtimes.ru/
Напярэдадні гэтай даты журналіст The Epoch Times (ЕТ) узяў інтэрв’ю ў Баа Туна, сакратара былога апальнага генеральнага сакратара КНР Чжаа Цзыяна.
— 25 красавіка 1999 года больш за 10 тысяч прыхільнікаў Фалуньгун сабраліся каля пекінскага кіраўніцтва па прыёме зваротаў грамадзян і звярнуліся да ўрада. Яны хацелі, каб улады пакінулі ціснуць на. З таго часу прайшло ўжо 16 гадоў, раскажыце, як вы ставіцеся да гэтага інцыдэнту і да рэакцыі на яго ўрада?
Баа Тун: У той час я толькі што выйшаў з-за кратаў. Я чуў, што каля брамы Чжуннаньхая (будынак цэнтральнага ўрада — заўв. рад.) сабралася мноства вучняў Фалуньгун. У горадзе Цяньцзінь адбылося незаконнае затрыманне супольнікаў гэтай групы і таму яны прыехалі са зваротам у Пекін.
Былы тады прэм’ер Чжу Жунці даслаў да іх чалавека, які паведаміў ім, што ўрад не лічыць іх групу незаконнай і што яны могуць працягваць свабодна займацца сваёй практыкай, улады не будуць ім перашкаджаць. Я тады падумаў, што гэтае пытанне ўжо вырашанае і абодва бакі поўнасцю задаволеныя.
Я нават не мог уявіць, што гэтая апеляцыя моцна раззлуе былога тады генеральнага сакратара Цзян Цзэміня. Па патрабаванні Цзяна Пастаянны камітэт спехам зляпаў нейкую дырэктыву, нейкі закон аб «забароне ерэтычнай секты». Гэта было вельмі неабдуманае рашэнне. На якой падставе закон Кітая можа называць штосьці ерассю? Законы могуць толькі тлумачыць тое, якія дзеянні законныя, а якія не. І калі грамадзяне не здзейснілі нічога супрацьзаконнага, то законы павінны іх абараняць.
Потым афіцыйныя СМІ пачалі паведамляць, што прыхільнікі Фалуньгун здзейснілі суіцыды і самаспалення і таму іх практыка ерэтычная. Мне тады гэта падалося вельмі дзіўным. Наколькі я ведаю, сярод вядомых мне палітычных і грамадскіх арганізацый больш за ўсё самагубстваў здзейснілі чальцы камуністычнай партыі Кітая. У самым пачатку праўлення кампартыі, 60 гадоў таму, былі высокапастаўленыя партыйцы, якія здзяйснялі суіцыды. А падчас «Культурнай рэвалюцыі» колькасць самагубцаў сярод партыйных функцыянераў была вельмі вялікай. Атрымліваецца, што гэтая партыя ерэтычная і яе трэба забараніць?
Наколькі я ведаю, Фалуньгун — гэта духоўна-аздараўленчая сістэма. Прынцыпы, якія яны прапагандуюць, «ісціна, дабрыня, цярпенне», гэта ўніверсальныя каштоўнасці. Якое ж гэта злачынства? Калі такія рэчы ў нас лічацца ерассю, тады атрымліваецца, што злосць, нянавісць і г. д. — гэта праведнасьць?
Сярод вучняў Фалуньгун тады было шмат пажылых людзей, якія не маглі, як Цзян Цзэмінь, дазволіць сабе добрае лекаванне. У іх проста не было на гэта грошай. Яны пачалі займацца Фалуньгун і іх хваробы прайшлі. Я чуў, што лячэбны эфект гэтай практыкі вельмі добры.
Па логіцы, калі лячэбны эфект добры, то такую практыку трэба прапагандаваць. Нават калі эфект не вельмі добры, але ён усё роўна ёсць, то як можна назваць гэта ерассю? Як я толькі што сказаў, калі выкарыстоўваць логіку ўладаў, дык самай ерэтычнай арганізацыяй у нас з’яўляецца кампартыя. Хай пакажуць нам статыстыку па самазабойствах камуністаў і тады ўсе гэта зразумеюць.
Пазней стала паступаць інфармацыя пра шматлікія выпадкі рэпрэсіяў супраць Фалуньгун. Усіх, хто займаўся гэтай практыкай, хапалі. Ад тых, хто больш не практыкаваў, патрабавалі пісьмовых заяў, а таксама прымушалі даносіць на іх сваякоў і знаёмых, якія яшчэ практыкуюць. Улады зладзілі сапраўдны тэрор.
У мяне тады многія пыталіся, што такое Фалуньгун. Я адказваў, што не ведаю, але гэтых людзей бясспрэчна няма за што рэпрэсаваць, тым больш што, як мне казалі, іх дзясяткі мільёнаў чалавек. Гэта проста злачынства супраць чалавечнасьці. З якога бы пункту гледжання ні глядзець, з пазіцыі універсальных каштоўнасцяў альбо жа з пазіцыі нашай «маральнасці з кітайскай спецыфікай», забарона Фалуньгун — гэта памылка.
З тых часоў мінула 16 гадоў. Кампартыя стала цалкам карумпаванай, яна так і не задумалася аб жудасных наступствах гэтай забароны для грамадства. За гэтыя гады яна так і не прызнала сваёй памылкі, так і не дала ніякага выразнага тлумачэння, чаму Фалуньгун быў забаронены, і таксама не выдала ніводнага легітымнага дакумента, які абгрунтоўвае гэтую забарону.
— У самым пачатку рэпрэсій афіцыйныя СМІ кампартыі паведамлялі, што Цзян Цзэмінь збіраецца выкараніць Фалуньгун за тры месяцы. Аднак прайшло ўжо 16 гадоў, а гэтая практыка не толькі не знікла ў Кітаі, а наадварот, шырока распаўсюдзілася ў свеце, ёю займаюцца больш чым у 100 краінах. Што вы думаеце наконт гэтага?
Баа Тун: Я лічу, што калі духоўная вера і метад аздараўлення так шырока распаўсюдзіўся і пратрымаўся так доўга, значыць, у яго ёсць свае каштоўнасці. У Цзян Цзэміня нічога не атрымалася і не атрымаецца, якія б спосабы ён не выкарыстаў. Вера ў гэтых людзей вельмі моцная і яны вельмі стойкія. Я жадаю, каб Фалуньгун і далей шырока распаўсюджваўся ў свеце і прынёс карысць яшчэ большай колькасці людзей.
— Паслядоўнікі Фалуньгун не толькі цвёрда працягваюць займацца сваёй практыкай, але і цвёрда супрацьстаяць рэпрэсіям, а таксама выкрываюць злачынства кампартыі. Як вы да гэтага ставіцеся?
Баа Тун: Я проста схіляюся перад імі за гэта. У гэтым пытанні з імі адзіныя і цалкам іх падтрымліваюць вельмі многія з тых, хто не займаецца гэтай практыкай. Абарона правоў і інтарэсаў кітайскіх грамадзян, абарона прынцыпаў гуманнасці — гэта наша агульная мэта і ў гэтым мы дапамагаем адзін аднаму.
— Многія кітайскія і замежныя назіральнікі лічаць, што кампартыя Кітая ўжо не можа спыніць рэпрэсіі, так як кропка незвароту ўжо пройдзеная. А вы як лічыце?
Баа Тун: Я так не лічу. Чаму не можа спыніць? Трэба толькі прызнаць сваю памылку, прызнаць здзейсьненыя мінулым кіраўніком злачынствы супраць чалавечнасьці і ўсё. Я думаю, што гэта не цяжка, калі толькі цяперашняе кіраўніцтва не звязвае сябе з мінулымі кіраўнікамі і не збіраецца несці цяжар адказнасці за іх злачынствы.
— Спадар Баа Тун, што вы хацелі б яшчэ сказаць па гэтай тэме напярэдадні гадавіны 25 красавіка?
Баа Тун: Я лічу, што кожны чалавек мае права абараняць свае правы, у тым ліку і паслядоўнікі Фалуньгун. Яны павінны аб’яднаць свае намаганні з усімі людзьмі, падтрымліваць адзін аднаго і дапамагаць адзін аднаму ў дасягненні гэтай мэты.
Крыніца: Вялікая Эпоха
Shen Yun вельмі цёпла сустрэлі жыхары Польшчы
Shen Yun Performing Arts у гэтым годзе прыехаў з новай праграмай на гастролі ў Лодзь, другі па велічыні горад Польшчы. /epochtimes.ru/
Дыяна (з права) і Камілія Вырослак на канцэрце Shen Yun у Вялікім тэатры Лодзі, Польша, 8 сакавіка 2015 г. Фота: Peter Sanftman/Epoch Times
Shen Yun даў два канцэрты ў Вялікім тэатры Лодзі. Першы паказ прайшоў у суботу, 7 сакавіка, другі – у нядзелю, 8 сакавіка.
Сёстры Дыяна і Камілія Вырослак, якія паглядзелі Shen Yun у нядзелю, кажуць, што яны з нецярпеннем будуць чакаць наступнага года, калі Shen Yun зноў прыедзе сюды.
«Гэта было проста незабыўна: колеры, музыка … усё было ідэальным», – сказала Дыяна, старэйшая сястра, лекар па спецыяльнасці.
«Кожны рух быў прасякнуты пачуццём, сюжэты танцавальных пастановак дзіўныя, часта вельмі кранальныя», – дадала Камілія. Як і яе сястра, яна збіраецца стаць лекарам. Сёстры прыйшлі на канцэрт па парадзе сваіх бацькоў, якія пабывалі на першым паказе Shen Yun у суботу.
Размешчаная ў Нью-Ёрку кампанія Shen Yun займаецца адраджэннем традыцыйнае кітайскае культуры, якая апынулася на мяжы знішчэння за час кіравання кампартыі Кітая. Shen Yun не можа выступаць у мацерыковым Кітаі.
У аснове Shen Yun – класічны кітайскі танец, але таксама прысутнічаюць народныя танцы розных этнічных груп Кітая і танцавальныя міні-спектаклі з сюжэтамі са старажытнага і сучаснага Кітая.
Дыяне невядома аб жорсткай цэнзуры ў сучасным Кітаі: «Я не ведала, што ў Кітаі нельга казаць пра некаторыя рэчы, – сказала яна, – я лічу, гэта сумна».
«Вельмі сумна, што шоў не можа выступаць у Кітаі. Кожны чалавек мае права ўбачыць яго і выпрабаваць такі ж эмацыйны ўздым, які адчуваем цяпер мы», – сказала Камілы.
Дыяна лічыць, што прадстаўленне нясе ў сабе глыбокі змест, важныя ідэі. «Мне здаецца, духоўнасць – аснова гэтага прадстаўлення. Акторы хацелі паказаць, што маральнасць і духоўнасць павінны быць важныя для любога чалавека », – сказала яна.
«Нават у сумных нумарох прысутнічалі надзея і аптымізм», – адзначыла яна.
Дыяна казала аб танцавальнай пастаноўцы «Сіла міласэрнасці», дзе распавядалася пра пераслед людзей, якія займаюцца мірнай медытатыўнай практыкай Фалунь Дафа ў сённяшнім Кітаі. Калі паліцыянты прычынялі зло практыкуючым, яны адказвалі на зло дабром.
Чыстая прыгажосць
Мажэна Баманоўска на канцэрце Shen Yun ў Вялікім тэатры Лодзі, 7 сакавіка 2015 г. Фота: Florian Godovits / Epoch Times
Мажэна Баманоўска, дырэктарка Музея кіно ў Лодзі, паглядзела першы канцэрт Shen Yun у суботу. Яна лічыць, што гэта адмысловае прадстаўленне.
«Танцоры па-сапраўднаму таленавітыя, усё шоу унікальнае. Касцюмы, харэаграфія, музыка, усё выглядала дасканалым», – кажа яна.
Баманоўска сказала, што ёй было вельмі цікава ўбачыць этнічныя танцы з розных рэгіёнаў Кітая і пазнаёміцца з гэтай бокам кітайскае культуры.
Паводле яе словаў, духоўнае пасланне, якое нясе канцэрт, блізка кожнаму чалавеку. «Я думаю, што яно універсальнае, яно зразумелае людзям усяго свету. Выток гэтых ідэй, вядома, з Кітая, але ў іх ёсць усё, што падыходзіць для ўсяго свету, гэта ўніверсальнае вучэнне», – сказала яна.
«Гэта чыстая прыгажосць», – так скончыла яна свой аповяд пра канцэрт.
Прадстаўленне з духоўным зместам
Жыхары Лондана Джэмі Замал і Мішэль Доан Тран, якія прыехалі ў Лодзь у госці да бабулі Тран, пабывалі на Shen Yun ў нядзелю
«Я думаю, што гэта вельмі добрае прадстаўленне», – сказала Тран, якая працуе візажыстам.
Ёй асабліва спадабалася, што ў канцэрце былі паказаны некаторыя кітайскія легенды з іх мудрасцю ды ідэяй аб барацьбе дабра і зла.
«Мне асабліва спадабаўся духоўны змест шоў. Вельмі выдатна, я з задавальненнем глядзела канцэрт і параю яго сваім знаёмым, – падзялілася ўражаннямі Тран, – галоўнае пасланне, якое мы вынеслі – гэта дараваць іншым».
Джэмі Замал, агент па нерухомасці, сказаў, што яму таксама спадабалася духоўная напоўненасць канцэрта.
«Агульная адухоўленасць і ідэя аб тым, што трэба з любоўю ставіцца да ўсіх незалежна ад іх веры стваралі вельмі моцнае ўражанне», – сказаў ён.
Рэпартаж: Петэр Занфтман і Фларыян Гадовіц.
Больш падрабязная інфармацыя на сайце
http://www.shenyunperformingarts.org/
Крыніца: Великая Эпоха
