Category Archives: Навіны

Дэпутат парламента Швецыі: «Як мы можам нічога не рабіць, ведаючы пра гэты пераслед?»

Чалец парламента Швецыі Эн-Сафі Альм 18 лістапада 2020 года выступіла на вэбінары «Пераслед Фалунь Дафа ў Кітаі ‒ 21 год парушэння асноўных праў чалавека». Гэты вэбінар прайшоў услед за Міністэрскай канферэнцыяй па прасоўванні свабоды веравызнання, арганізаванай урадам рэспублікі Польшча 16-17 лістапада 2020 года.

У сваім выступе дэпутат Альм асудзіла пераслед Фалуньгун з боку Камуністычнай партыі Кітая (КПК) і заклікала ўвесь свет з’яднацца і прыцягнуць КПК да адказнасці за парушэнні правоў чалавека.

EnnSophieElm_Shwecija

Дэпутат Эн-Сафі Альм

Яна сказала, што хоць Швецыя і маленькая краіна, але яна лічыць патрэбным выступіць у абарону кітайскага народа і рашуча асудзіць парушэнне правоў чалавека ў Кітаі.

«Чаму я думаю, што мой голас будзе пачуты Пекінам, і чаму я спрабую бараніць правы чалавека ў Кітаі? Адказ вельмі просты: іншага шляху няма. Няможна сядзець і нічога не рабіць, ведаючы пра існаванне такой несправядлівасці і лютасці ў адносінах да людзей за іх перакананні», ‒ сказала яна.

«Прайшоў ужо 21 год з той пары, як пачаўся гэты пераслед, – працягнула дэпутат. – Сапраўды, галоўнае пытанне ў тым, як гэта магло працягвацца 21 год і працягваецца дагэтуль? Гэта ганьба не толькі для КПК, але і для ўсяго вольнага свету, я так гэта бачу. Пераслед Фалуньгун нялюдскі. Гэта барбарства. Мы павінны прыцягнуць вінаватых да адказнасці, каб спыніць гэтыя злачынства.

З усяго гэтага я зразумела, што мы не можам маўчаць. Нам патрэбна адкрыта асудзіць парушэнні праў чалавека ў Кітаі, каб увесь свет даведаўся пра сістэматычныя злачынствы КПК.

Я хачу, каб сусветная грамадскасць даведалася пра шматлікіх вязняў сумлення, якія практыкуюць Фалуньґун, адпраўленых на перавыхаванне ў працоўныя лагеры, турмы ды іншыя месцы зняволення. Шматлікія паведамленні сведчаць аб катаваннях, забойствах і незаконным выманні органаў, якім падвяргаюцца паслядоўнікі Фалуньгун. Да гэтых паведамленняў варта паставіцца надзвычай сур’ёзна і разгледзець іх у міжнародных судах».

«Як мы можам бяздзейнічаць, ведаючы пра гэтыя злачынствы?» – спытала яна.

Парламентарый таксама адзначыла: «Пераслед нацыянальных і рэлігійных меншасьцяў у Кітаі дае нам уяўленне аб тым, што адбудзецца, калі КПК дасягне сусветнага панавання. У цяперашні час увесь свет пакутуе ад пандэміі, і шматлікія кампаніі па ўсім свеце сутыкнуліся з сур’ёзнымі эканамічнымі праблемамі. Зараз мы ўразлівыя і сталі лёгкай мішэнню для гвалтоўнага паглынання».

Эн-Сафі альма сказала, як КПК «скупляе аб’екты інфраструктуры, кампаніі, тэхналогіі і нават школы» у спробе крок за крокам захапіць свабодны свет. Але ўрад Швецыі робіць канкрэтныя крокі, каб абмежаваць інвестыцыі кітайскіх кампаній у важнейшыя аб’екты інфраструктуры Швецыі, і, акрамя таго, забараніла кампаніі Huawei прымаць удзел у сетцы 5G.

Дэпутат таксама адзначыла, што рада, што «свабодны свет паступова ўсведамляе жорсткасць кампартыі Кітая ў адносінах да свайго народу. КПК павінна ведаць, чаго хоча вольны свет, а мы хочам, каб гэта пераслед і ўсе астатнія рэпрэсіі супраць вязняў сумлення ў Кітаі былі спыненыя як мага хутчэй.

Міжнародная супольнасць павінна рашуча і адкрыта асудзіць парушэнні правоў чалавека з боку кітайскага рэжыму. Наш абавязак – змагацца за правы ўсіх людзей».

Яна выказала надзею, што аднойчы Кітай пачне паважаць прынцып вяршэнства закона, свабоду слова і свабоду людзей мець уласнае меркаванне.

У заключэнне яна сказала: «Практыкоўцы Фалуньґун прыязныя і міралюбныя людзі. Магчыма, прынцыпы “Ісціна, Дабрыня і Цярпенне” – гэта менавіта тое, што сёння неабходна свету, гэта тое, што дапаможа нам перажыць гэтую пандэмію».

Крыніца

Адэса, Украіна. Жыхары горада знаёмяцца з Фалунь Дафа падчас мастацкай выставы «Мастацтва Джэнь, Шань, Жэнь»

Выстава «Мастацтва Джэнь, Шань, Жэнь» (Ісціна, Дабрыня, Цярпенне) праходзіла ў Адэсе з 26 кастрычніка па 9 лістапада 2020 года. Атрымліваючы эстэтычнае задавальненне ад карцін, мясцовыя жыхары даведаліся пра Фалунь Дафа (Фалуньґун) і пра перасьлед гэтай духоўнай практыкі з боку кампартыя Кітая (КПК).

Мясцовыя сродкі масавай інфармацыі, ТРК «Круг» і «7 канал», паведамілі пра гэту падзею. «Круг» прадставіў Фалунь Дафа сваёй аўдыторыі як «практыку ўдасканальвання свядомасці і цела, якая зарадзілася ў Кітаі і распаўсюдзілася па ўсім свеце».

«7 канал» прадставіў выставу, запрасіўшы яе арганізатараў Аляксандра і Святлану у сваю студыю. Сустрэча прайшла ў прамым эфіры.

Odessa_ZhenShanRen_exhibition

Практыкоўца Фалунь Дафа распавядае наведвальнікам выставы пра кожную карціну

Odessa_ZhenShanRen_exhibition2

Наведвальнікі выставы

Многія, хто наведаў выставу, пакінулі запісы ў кнізе водгукаў. Музыкант Тарас, які працуе ў Адэскім нацыянальным акадэмічным тэатры, сказаў, што карціны вельмі эфектныя і цікавыя. Ён адзначыў: «Яны не толькі адлюстроўваюць рэальнасць, але і маюць духоўны складнік. Унутраны свет чалавека звязаны з энергіяй вышэйшых светаў рознага ўзроўню».

Людміла сказала, што ёй спадабаліся ўсе карціны на выставе, таму што яны адлюстроўваюць дабрыню практыкоўцаў Фалунь Дафа, выкрываюць катаванні, якім падвяргаюцца гэтыя добрыя людзі; акрамя таго карціны дапамагаюць зразумець, што такое практыка ўдасканальвання. Яна таксама адзначыла: «Выстава вучыць нас цярпенню, міласэрнасці і прысвечана самаўдасканальванню. Гэтыя выдатныя карціны створаны для таго, каб мы станавіліся лепш і атрымалі выратаванне».

Odessa_ZhenShanRen_exhibition3

Людміла

Іншая наведвальніца пЁн ніколіа імені Наталія, жыхарка Адэсы, сказала, што важна ведаць, што ў Кітаі людзей падвяргаюць катаванням за іх веру ў Ісціну, Дабрыню, Цярпенне. Яна таксама дадала: «Мне пашанцавала даведацца пра гэта на выставе».

Odessa_ZhenShanRen_exhibition4

Аляксандра са сваім сынам

Наведвальніца выставы, Аляксандра, адзначыла, што гэтыя творы нясуць у сабе пасланне пра паходжанне жыцця на зямлі: «Карціны тлумачаць наша паходжанне і адказваюць на пытанне, чаму мы тут. Дзякуй вам за тое, што арганізавалі выставу і далі мне магчымасць даведацца пра важнае».

Odessa_ZhenShanRen_exhibition5

Валянціна і Галіна

Валянціна шчыра паспачувала практыкоўцам Фалунь Дафа, якіх пераследуюць у Кітаі і сказала, што рэпрэсіі з боку кампартыі Кітая нагадваюць ёй пра той час, калі ва Украіне таксама панаваў камунізм. Яе сяброўка Галіна расказала ёй, што практыкоўцы ў Кітаі падвяргаюцца страшным катаванням, але іх стойкасць дае надзею.

Odessa_ZhenShanRen_exhibition6

Канадскі турыст Шон

Турыст з Канады па імені Шон пракаментаваў, што карціны адкрываюць людзям вочы, дазваляюць убачыць іншую культуру і іншую частку свету. Карціны выпраменьваюць святло веры і закранаюць душы людзей.

Odessa_ZhenShanRen_exhibition7

Аляксандра сказала, што карціна «Заклік чыстага сэрца» сапраўды кранула яе сэрца

Odessa_ZhenShanRen_exhibition8

Мікалай

Мікалай сказаў: «Нягледзячы на ​​тое, што адбываюцца жудасныя рэчы і пераслед ўсё яшчэ працягваецца, я веру, што практыкоўцы Фалуньґун будуць стойкімі, і іх намаганні, нарэшце, прынясуць плён».

Крыніца

Літва. У Вільнюсе расказвалі пра пераслед Фалунь Дафа ў Кітаі

26 і 27 верасня практыкоўцы Фалунь Дафа з Літвы і Латвіі сабраліся на плошчы Вінцаса Кудзіркі ў цэнтры Вільнюса, каб расказаць грамадскасці пра пераслед практыкі Фалунь Дафа ў Кітаі. Яны таксама заклікалі ўсіх людзей добрай волі падпісаць петыцыю з вымогай прыцягнуць да суда былога кітайскага лідара Цзян Цзэміня, які ў 1999 годзе аднаасобна пачаў рэпрэсіі супраць мірных практыкоўцаў Фалунь Дафа па ўсёй краіне.

Дэманструючы мірны характар гэтай практыкі самаўдасканальвання, практыкоўцы расказвалі людзям пра асноўны прынцып Фалунь Дафа «Ісціна-Дабрыня-Цярпенне», паказвалі і навучалі ахвотных пяці практыкаванням Фалуньґун.

2020-09-29-lt_vilnius_09.20._-4

2020-09-29-lt_vilnius_09.20._-3

2020-09-29-lt_vilnius_09.20._-7

2020-09-29-lt_vilnius_09.20._-8

2020-09-29-lt_vilnius_09.20._-2

Камунікаванне з людзьмі

2020-09-29-lt_vilnius_09.20._-5

Навучанне практыкаванням

2020-09-29-lt_vilnius_09.20._-6

2020-09-29-lt_vilnius_09.20._-1

Падпісанне петыцыі

Адна жанчына ніколі раней не чула пра Фалунь Дафа і пераслед. Падпісваючы петыцыю, яна здзіўлена спытала: «Чаму пра гэта так мала кажуць? Чаму я даведалася пра гэта толькі сёння? Раскажыце нам пра гэта больш дэтальна».

Мінак, які назіраў за тым, што адбываецца, сказаў, што гэта не першы раз, калі ён сустракаецца з практыкоўцамі, што ён ужо падпісваў петыцыю ў Лондане. Ён сказаў: «Мы павінны супрацьстаяць сістэме, якая руйнуе наш розум і разбурае праўдзівую прыроду чалавека. Кітайцы – разумная нацыя, яны дамогуцца волі».

2020-09-29-lt_vilnius_09.20_aleksandr_copy1

Аляксандр падпісаў петыцыю і сказаў: «Я прызнаю толькі дзеянні дзяржавы, якія карысны людзям, а не забойствы нявінных людзей». Перад ад’ездам ён сказаў: «Дзякуй за вашыя высілкі!»

2020-09-29-lt_vilnius_09.20_bronislavas_copy1

Браніслаў падпісаў петыцыю і пажадаў поспехаў: «Хай людзі зразумеюць – тое, што вы робіце, – гэта добра! І больш бы такіх добрых людзей, якія нясуць святло і дабро!»

2020-09-29-lt_vilnius_0920._aleksey_copy1

Пасля падпісання петыцыі Аляксей сказаў: «Я з Беларусі, таму ведаю, што такое таталітарызм. Зычу вам перамогі!»

Практыкоўцы дарылі людзям самаробныя кветкі лотасаў, і шмат каго гэта вельмі кранула. Адна жанчына спытала, чаму такія выдатныя кветкі бескаштоўныя, і практыкоўца адказала: «Падпісваючы петыцыю, вы выяўляеце міласэрнасць, гэта кветка – падзяка за ваша добрае сэрца».

2020-09-29-lt_vilnius_09.20_egle_viktaras_copy1

Эглі і Віктарас вывучаюць практыкаванні

На захад прыехала сямейная пара, Эглі і Віктарас. Яны пазнаёміліся з Фалунь Дафа ў Вільнюскім батанічным садзе. Пара прыехала, каб лепш вывучыць практыкаванні. Пад кіраўніцтвам практыкоўцаў яны выканалі ўсе пяць практыкаванняў. Эглі сказала, што яна адчувала спакой і гармонію, нягледзячы на люднасць і шум. Віктарас сказаў, што пасля выканання практыкаванняў яго зрок палепшыўся.

Крыніца

Расія. У Чэлябінску адбыўся першы дзевяцідзённы курс відэалекцый Фалунь Дафа

З 5 па 13 студзеня 2019 года ў Чэлябінску праходзіў першы дзевяцідзённы семінар духоўнай практыкі Фалунь Дафа, які наведалі дваццаць чалавек. Удзельнікі семінара паглядзелі відэазапісы дзевяці лекцый Настаўніка Лі Хунджы і навучыліся пяці комплексам практыкаванняў Фалунь Дафа. Пасля заканчэння семінара яго ўдзельнікі падзяліліся сваімі ўражаннямі і думкамі пра вывучэнне Фалунь Дафа.

Falun_Dafa_in_Russia

З 5 па 13 студзеня 2019 года ў Чэлябінску прайшоў першы дзевяцідзённы курс відэалекцый Фалунь Дафа

Falun_Dafa_exercises_in_Rusia

Удзельнікі семінара вывучаюць першы комплекс практыкаванняў Фалунь Дафа

Любоў Васілеўна вырашыла наведаць семінар, прачытаўшы інфармацыйны буклет, які ёй далі практыкоўцы Фалунь Дафа. Яна сказала, што прынцыпы Фалунь Дафа цалкам змянілі яе погляд на свет: «Я пачала пераглядаць сваё стаўленне да жыцця, свету і навакольных людзей. Я вучуся кіравацца прынцыпамі Ісціна, Дабрыня, Цярпенне».

Юлія, якая даведалася пра Фалунь Дафа праз сацыяльныя сеткі, сказала, што пасля выканання практыкаванняў адчула, што знік напружаны стан і яна напоўнілася энергіяй. Яе глыбока кранулі прынцыпы, выкладзеныя Настаўнікам Лі Хунджы ў асноўнай кнізе вучэння: «Я вельмі засяроджана глядзела першую лекцыю і адразу адчула сувязь з гэтым вучэннем, і тое, што я слухала, адгукнулася ўва мне».

Праслухаўшы лекцыі, Юлія распавяла пра сваё разуменне: «Я зразумела, што стаць вышэйшай жывой істотай нельга, усяго толькі змяніўшы склад энергіі ў целе з дапамогай практыкаванняў. Неабходна павышаць свой узровень маральнасці. Гэты працэс пачынаецца знутры чалавека. Вы зможаце лёгка пераадолець жыццёвыя цяжкасці, калі кіруецеся гэтымі прынцыпамі. Гэтая практыка бясплатная, і кожны можа прыйсці займацца. Рухі практыкаванняў лёгка вывучыць».

Іншы ўдзельнік семінара сказаў, што раней займаўся рознымі энергетычнымі практыкамі. Практыка Фалунь Дафа глыбока ўразіла яго: «Практыкаванні лёгка вывучыць, яны падыходзяць кожнаму. Настаўнік Лі Хунджы не асуджае іншыя практыкі. Ён самай зразумелай мовай навучае, як павышаць сябе, кіруючыся прынцыпамі Ісціна, Дабрыня, Цярпенне».

Крыніца

Жыхары Украіны хочуць бачыць больш мерапрыемстваў Фалуньгун

27 траўня практыкуючыя Фалуньгун Украіны правялі ў Кіеве серыю мерапрыемстваў, прысвечаных 25-годдзю першага публічнага прадстаўлення Фалунь Дафа, у тым ліку дэманстрацыю калектыўнага выканання практыкаванняў і вялікі парад, каб распавесці грамадскасці пра Фалуньгун і пра пераследы гэтае мірнае практыкі ў Кітаі.

З нагоды юбілейнае падзеі ва Украіну быў запрошаны духавы аркестр Цянь Го з Еўропы. Для ўдзелу ў святочным мерапрыемстве прыехалі 65 музыкаў з 10 краінаў Еўропы: Італіі, Фінляндыі, Германіі, Галандыі, Швейцарыі ды іншых. Яны хацелі распавесці жыхарам Украіны пра прыгажосць ды веліч Фалунь Дафа.

Аркестр узначаліў урачыстую калону парада і сваёй цудоўнай музыкай прыцягнуў увагу шматлікіх жыхароў і гасцей горада. Музыкі ўпершыню выступалі ва Украіне.

Апроч кіеўскіх практыкуючых у парадзе прынялі ўдзел паслядоўнікі Фалунь Дафа з розных гарадоў Украіны, Расіі, Беларусі, Кіргізіі ды Ізраіля.

З самае раніцы ў Кіеве неба абклалі цяжкія хмары. Ліў дождж. Але нягледзячы на непагадзь, усе ўдзельнікі святочнага парада пастроіліся ў калону і вырушылі. Урачыстае шэсце скончылася на Майдане Незалежнасці. Да гэтага часу дождж скончыўся, ззяла сонца і неба стала блакітным.

Мясцовы медыя-канал KNK Media асвятляў мерапрыемствы Фалуньгун, якія праходзілі ўвесь дзень.

ebb527a5f1647cf479072414ceb84fb5

c2726cba53e2e496ecedfdc0e4dcbbb5

Пачатак мерапрыемстваў, якія праходзілі ўвесь дзень

62f6630f754a3cf111f1c4c934688ff6

ef797619f4ad2d3c8e852e80e730bfa3

Паказ практыкаванняў

07db46f4fa1768e742daad222d89e3af

Мінакі падпісваюць петыцыю, выказваючы асуджэнне пераследам

7ee2272be75d92d3180eb2ce155f0fa2

Дзяўчаты спыніліся, каб больш даведацца пра Фалуньгун

Калону парада ачольваў духавы аркестр Цянь Го. За ім следавала група практыкуючых, якія выконвалі танец лотаса і танец цмока, а таксама дэманстравалі практыкаванні Фалуньгун.

Адзін з гледачоў, які назіраў за парадам, пахваліў аркестр, сказаўшы: «Гэта так прыгожа. Маё сэрца спявала разам з імі ». Іншы чалавек сказаў, што музыка аркестра можа «ачысціць душу».

Мясцовая жанчына заклікала практыкуючых часцей выступаць у Кіеве.

«Сёння мы чулі зусім іншую музыку, якая прадстаўляе іншую культуру. Гэтая Музыка раптам спыніла мяне і прымусіла задумацца. Я адчула такі спакой. Ваш гурт павінен часцей праводзіць такія выступы! Нашае жыццё будзе больш шчаслівым!»- сказала яна.

6487a789a4d8f3bb79b876b394b03840

Духавы аркестр Цянь Го ўпершыню выступіў на парадзе ў Кіеве

cdb693ece052491956bc0d0dbc4265ff

Дзеці разам з бацькамі ў нацыянальных строях у калоне парада

8271b45997aac85fb012d8b647b7c076

356ae2e6ee8f16dbe3f358abb630958c

Практыкуючыя ў белай вопратцы трымаюць у руках партрэты тых, хто загінуў у Кітаі ў выніку пераследу

Апроч азнаямлення з Фалуньгун, практыкуючыя таксама выкрывалі жорсткі пераслед гэтае практыкі, які ажыццяўляецца камуністычным рэжымам у Кітаі ды заклікалі дапамагчы спыніць гэтыя злачынствы.

Многія людзі, якія спыняліся, каб выказаць сваю падтрымку, ужо чулі пра пераследы. Быў час, калі яны таксама жылі пад уладай праўлення камуністычнае партыі, таму разумеюць цяжкае становішча тых, каго душыць кітайскі рэжым. Вельмі многія падпісалі петыцыю, каб падтрымаць мірны супраціў практыкуючых і асудзіць злачынствы камуністычнага рэжыму.

Адзін з мінакоў сказаў: «Адзін ці два подпісы, магчыма, не маюць вялікага значэння, але калі кожны падпіша петыцыю, гэта будзе мець дастаткова вялікую сілу, каб спыніць пераследы”.

Практыкуючы адзначыў, што, хоць Фалуньгун і ўзнік у Кітаі, але яго кіруючыя прынцыпы «Ісціна, Дабрыня, Цярпенне» з’яўляюцца ўніверсальнымі і прыносяць карысць людзям ва ўсім свеце.

Крыніца:/ru.minghui.org/

Версія па-ангельску знаходзіцца тут

На форуме ў Германіі прапанавалі 6 спосабаў спынення незаконнага здабывання органаў у Кітаі

forum_protiv_izvlecheniya_organov

Удзельнікі форуму ў Берліне: (злева направа) Ван Джыюань, Арнэ Шварц, Ніэ Сэн, Арнэ Герыке, Марцін Патцэльт, Этан Гутман і Чарльз Лі. Фота: Jason Wang / The Epoch Times

Пытанне пра забойства ў Кітаі вязняў сумлення дзеля іх органаў ужо на працягу дзесяці гадоў абмяркоўвалася падчас шматлікіх дыскусіяў на тэму правоў чалавека ў Кітаі, але адказы на яго заўсёды былі невыразнымі і непераканаўчымі. Што Захад павінен зрабіць, сутыкнуўшыся з «новай формай зла», як гэта называюць некаторыя даследнікі? Нямецкія заканадаўцы і вядучыя міжнародныя даследнікі, якія сабраліся на грамадскім форуме ў гатэлі Albrechtshof ў цэнтры Берліна 28 кастрычніка прапанавалі 6 спосабаў спыніць здабыванне органаў у Кітаі. /epochtimes.ru/

Форум быў скліканым Сусветнай арганізацыяй па расследаванні пераследаў у дачыненні да Фалуньгун, супольнiкi якой займаюцца сістэматызацыяй доказаў злоўжыванняў супраць паслядоўнікаў духоўнай практыкі Фалуньгун у Кітаі.

Пасля прэзентацыі аб’ёмнага даклада пра тое, што здабыванне органаў у Кітаі адбываецца ў вялікіх маштабах, нямецкія дэпутаты прапанавалі шэраг мер, якія могуць быць прынятымі ва ўсім свеце, каб пакласці канец злачынствам супраць чалавечнасьці.

На працягу многіх гадоў даследнікі збіралі доказы таго, што асноўнай крыніцай органаў для трансплантацыі з’яўляюцца зняволеныя ў турмы паслядоўнікі духоўнай практыкі Фалуньгун. З 2000 года ў іх пачалі браць аналізы крыві і па першым патрабаванні бальніц вымаць органы для пацыентаў, якія маюць патрэбу ў перасадцы. Аперацыя па здабыванні праводзіцца ў жывога чалавека, пасля чаго ён памірае на аперацыйным стале. У дакладзе, апублікаваным у гэтым годзе, сцвярджаецца, што ў Кітаі штогод выконвалася ад 60 000 да 100 000 трансплантацыяў пачынаючы з 2000 года.

Удзельнікі форуму прапанавалі для заходніх краінаў 6 спосабаў спыніць здабыванне органаў у Кітаі.

Асудзіць публічна

«Важна націснуть на Кітай», — сказаў Марцін Патцэльт, нямецкі дэпутат ад партыі кансерватараў, які вельмі цікавіцца правамі чалавека. Спадар Патцэльт дапамагаў размяшчаць бежанцаў з Эрытрэі.

forum_protiv_izvlecheniya_organov2

Марцін Патцэльт, нямецкі дэпутат ад партыі кансерватараў, на форуме ў Берліне 28 кастрычніка 2016 года. Фота: Jason Wang / The Epoch Times

Адзін са спосабаў аказання ціску — асуджэнне пасродкам рэзалюцый, адзначыў Патцэльт. У гэтым годзе Палата прадстаўнікоў Кангрэсу ЗША і Еўрапейскі парламент прынялі рэзалюцыі, якія асуджаюць здабыванне органаў у паслядоўнікаў Фалуньгун у Кітаі. Патцэльт лічыць, што нямецкі парламент таксама павінен прыняць аналагічную рэзалюцыю.

Спыніць навучанне кітайскіх хірургаў

Заходнія краіны актыўна навучаюць кітайскіх хірургаў, паводле дадзеных кітайскага ўрада і бальнічных сайтаў.
«Мы будзем даследаваць, у якіх інстытутах кітайскія дактары праходзяць падрыхтоўку. Нам трэба прыняць законы, каб перашкодзіць ім рабіць гэта, — заявіў Патцэльт. — Нашыя парламентарыi павінны таксама націснуть на гэтыя ўстановы».

Забараніць ўезд дактарам, звязаным з гвалтоўным атрыманнем органаў

Шматгод Злучаныя Штаты патрабуюць ад замежнікаў, якія перасякаюць мяжу, пазначыць у мытнай дэкларацыі, што яны не ўдзельнічаюць у прымусовым здабыванні чалавечых органаў.

Арнэ Шварц, незалежны даследнік гандлю органамі, прапанаваў Германіі ды іншым краінам прыняць аналагічную палітыку. Дактары, замешаныя ў гэтых злачынствах, не прызнаюцца ў гэтым, але калі пазней высвятляецца, што яны займаліся здабываннем органаў, урад ЗША мае падставы дэпартаваць іх.

«Нам вядомыя імёны некаторых дактароў, якія ўдзельнічаюць у здабыванні органаў … Калі яны выязджаюць за мяжу, мы павінны адмовіць ім ва ўездзе», — сказаў чалец Еўрапейскага парламента Арнэ Герыке.

Аказаць ціск на заходнія фармацэўтычныя фірмы

Шварц звярнуў увагу на тое, што шматлікія заходнія фармацэўтычныя фірмы праводзілі неэтычныя клінічныя выпрабаванні ў Кітаі, а таксама пастаўлялі прэпараты для пацыентаў, якія атрымалі органы ў Кітаі.

forum_protiv_izvlecheniya_organov3

Чалец Еўрапейскага парламента Арнэ Герыке выступае на форуме ў Берліне 28 кастрычніка 2016 года. Фота: Jason Wang / The Epoch Times

«Мы павінны пачаць з сябе і дапытаць тыя заходнія фармацэўтычныя кампаніі, якія пастаўляюць у Кітай лекі для пацыентаў пасля перасадкі органаў, гэтым чынам падтрымліваючы “чорную транспланталогію” ў Кітаі. Гэта вельмі важна», — адзначыў Патцэльт.

Прыняць законы, якія прадухіляюць «трансплантацыйны турызм»

Бум трансплантацыі органаў у Кітаі быў часткова выкліканы замежнымі турыстамі, якія прыязджаюць туды, каб атрымаць ныркі, печань ці сэрца. Ізраіль, Іспанія і Тайвань прынялі законы, якія забараняюць страхавое пакрыццё і ўстанаўліваюць крымінальную адказнасць за такую практыку.

«Мы павінны прадугледзець у нямецкім заканадаўстве, што той, хто едзе ў іншую краіну для перасадкі органа, павінен мець дакладнае ўяўленне пра ягоную крыніцу і даказаць ягоную легальнасць. Мы павінны прынамсі звесці да мінімуму магчымасць удзелу немцаў у гэтай злачыннай дзейнасці», — сказаў Герык.

Падвысіць ўзровень інфармаванасці пра здабыванне органаў

Сведчанні пра здабыванне органаў у паслядоўнікаў Фалуньгун з’явіліся ў 2006 годзе. Неабходна, каб грамадскасць, палітыкі і сродкі масавай інфармацыі былі цалкам дасведчаныя пра гэтую злачынную дзейнасць ў Кітаі і яе маштабы.
«Некаторыя чальцы парламента кажуць, што гэта немагчыма, — адзначыў Патцэльт. — Я лічу, што магчыма, мы проста ніколі не рабілі гэта. Мы павінны мець мужнасць, каб стаць на гэты шлях, і тады мы зможам шмат што змяніць».

forum_protiv_izvlecheniya_organov4

Доктар Ван Джыюань, прэзідэнт Сусветнай арганізацыі па расследаванні пераследаў у дачыненні да Фалуньгун (САРПФ), выступае на форуме ў Берліне 28 кастрычніка 2016 года. Фота: Jason Wang / The Epoch Times

На форуме таксама выступілі Этан Гутман, аўтар кнігі «Бойня»; Ван Джыюань, прэзідэнт Сусветнай арганізацыі па расследаванні пераследаў у дачыненні да Фалуньгун (САРПФ); прафесар Ніэ Сэн, віцэ-прэзідэнт САРПФ; Крыстафэр Штрассер, сябра Бундэстагу Нямеччыны і былы ўпаўнаважаны па правах чалавека ў Германіі; Чарльз Лі, былы вязень сумлення і сябра САРПФ.

Крыніца: Вялікая Эпоха

Арганізацыя па барацьбе з парушэннямі ў галіне трансплантацыі намінаваная на Нобелеўскую прэмію міру

cin-organ-ticereti

Арганізацыя «Лекары супраць гвалтоўнага здабывання органаў» (DAFOH) намінаваная на Нобелеўскую прэмію міру, гаворыцца ў прэс-рэлізе групы. DAFOH – гэта група лекараў з усяго свету, якія змагаюцца супраць парушэнняў у галіне транспланталогіі. /epochtimes.ru/

«DAFOH рады паведаміць, што мы намінаваныя на Нобелеўскую прэмію міру-2016», – напісаў у электронным лісце д-р Торстэн Трэй, дырэктар арганізацыі.

«Намінацыя, пра якую мы даведаліся ўсяго пару дзён таму – прызнанне нашае працы па абароне этычных нормаў у галіне медыцыны і асвятлення тэмы, якую нямногія асмельваюцца закрануць».

Вылучаць нейкую асобу або групу на Нобелеўскую прэмію могуць чальцы парламента, прафесара, юрысты і эксперты. Яны павінны напісаць у Нарвежскі нобелеўскі камітэт ліст з прапановай кандыдатуры і тлумачэннем, чаму гэты чалавек альбо арганізацыя заслугоўваюць Нобелеўскую прэмію.

Адным з людзей, якія прапанавалі вылучыць DAFOH – д-р Ліам Фокс, чалец брытанскага парламента і былы міністр абароны Велікабрытаніі. Іншыя асобы, якія падтрымалі намінацыю DAFOH, вырашылі застацца ананімнымі.

«Д-р Фокс лічыць, што гэта вельмі важная праблема», – заявіў у тэлефонным інтэрв’ю прадстаўнік офіса д-ра Фокса.

У сваім лісце Нобелеўскаму камітэту Фокс напісаў: «DAFOH цвёрда настроены пакласці канец гвалтоўнаму выманню органаў. Іх дэталёвыя даследаванні сведчаць, што ў Кітаі па-ранейшаму існуе незаконны гандаль органамі “.

Ён пералічыў дзейнасць DAFOH, уключаючы арганізацыю петыцыі вярхоўнаму камісару ААН па правах чалавека ў 2013 годзе Петыцыю падпісалі два мільёны чалавек ва ўсім свеце. DAFOH рэгулярна публікуе артыкулы аб парушэнні ў галіне транспланталогіі ў Кітаі і іншых краінах. Арганізацыя выпускае часопіс раз на квартал.

DAFOH і яго эксперты выкрылі сістэму гвалтоўнага здабывання органаў у Кітаі. Гэтай трансплантацыйнай сістэмай кіруюць кітайскія ваенныя і грамадзянскія шпіталі і апарат грамадскае бяспекі. Адной з галоўных ахвяр гвалтоўнага здабывання органаў у Кітаі з’яўляюцца паслядоўнікі Фалуньгун – духоўнае практыкі, якую кампартыя перасьледуе з 1999 г.

«Намаганні DAFOH па інфармаванні і спробы спыніць гвалтоўнае выманне органаў у вязняў сумлення і паслядоўнікаў Фалуньгун – гэта важны ўнёсак па абароне правоў ва ўсім свеце», – напісаў Фокс ў лісце.

«Я спадзяюся, што вы сур’ёзна разгледзіце DAFOH як кандыдата на атрыманне Нобелеўскае прэміі міру-2016».

Д-р Трэй адзначыў, што парушэнні ў галіне трансплантацыі ў Кітаі засланяюць па маштабах падобныя парушэнні ў іншых краінах.

«Інфармацыя аб выманні органаў у паслядоўнікаў Фалуньгун ўпершыню прасачылася 10 гадоў таму. З тых часоў DAFOH адыграў перадавую ролю ў выкрыцці гэтага злачынства і заклікае да захавання этычных стандартаў у галіне трансплантацыі», – кажа Трэй.

«Па меры раскрыцця фактаў перасадкі органаў у Кітаі колькасць чальцоў нашае групы ўзрасла. Зараз у арганізацыі знаходзяцца больш як 7000 лекараў, медсясцёр, медыцынскіх адмыслоўцаў і ўрадавых чальцоў».

Тут Вы можаце падпісаць Петыцыю Заклік да Вярхоўнага камісара ААН па правах чалавека накіраваць незалежную групу для правядзення расследавання здабывання органаў у жывых людзей.

Крыніца: www.epochtimes.ru

Расіянка, пікетаваўшая консульства КНР, прызнана невінаватай

222-676x450

Грамадзянка Расіі, Надзея Лай, на якую была заведзеная справа пасля адзіночнага пікетавання консульства КНР ва Ўладзівастоку, прызнаная невінаватай. Суд прайшоў 28 жніўня.

Разгляд пачаўся з-за заявы Лі Сяобінь, загадчыцы гэтага аддзялення консульства. У сваім звароце ў праваахоўныя органы яна сказала, што Надзея Лай нібыта парушала грамадскі парадак, замінала грамадзянам, якія праходзілі міма, работнікам консульства, актыўна жэстыкулявала і выкрыквала лозунгі.

Аднак суд пастанавіў, што гэта не адпавядала рэчаіснасці, і што Надзея ніякіх законаў не парушыла. Сама жанчына кажа, што стаяла ў баку ад пешаходнае зоны і спакойна трымала плакат з надпісамі на рускай і кітайскай мовах.

Паводле яе слоў, яна выйшла са зваротам, каб расказаць пра шматгадовыя рэпрэсіі практыкуючых Фалуньгун у Кітаі з боку кіруючай партыі. Яна таксама хацела выкрыць гвалтоўнае выманне органаў, якому падвяргаюцца гэтыя невінаватыя людзі ў КНР. Надзея сама займаецца старажытнай медытатыўнай практыкай Фалуньгун і кажа, што не можа не спачуваць ахвярам рэпрэсій у Кітаі.

Яна таксама дадае, што Фалуньгун свабодна займаюцца па ўсім свеце, уключаючы Расію, і толькі ў Кітаі сістэма падвяргаецца рэпрэсіям.

Нагадаем, жыхарка Іркуцка Надзея Лай выйшла на пікетаванне консульства КНР ва Ўладзівастоку 24 жніўня. Ужо праз пяць хвілін ахоўнік дыпмісіі папрасіў жанчыну спыніць акцыю, што яна і зрабіла.

Аднак услед за гэтым да месца прыехала паліцыя і затрымала Надзею. Прычынай быў названы званок з консульства. Па тэлефоне паведамілі, што нехта нібыта мае намер прарвацца ўнутр будынка.

У той жа вечар на Надзею завялі справу і адразу ж даставілі ў суд. Аднак судзьдзя адклала разгляд да 28 жніўня.

Фалуньгун – старажытная кітайская сістэма ўдасканалення. Яна ўключае пяць комплексаў простых медытатыўных практыкаванняў і заснавана на прынцыпе «Ісціна-Дабрыня-Цярпенне». З 1999 года ўлады КНР праводзяць шырокамаштабныя рэпрэсіі мільёнаў людзей, якія займаюцца па гэтай сістэме. У 2006 годзе ў выніку расследаванняў стала вядома, што ў незаконна арыштаваных практыкуючых Фалуньгун у Кітаі масава здабываюць органы для продажу.
Крыніца: http://ntdtv.ru/
———————————————————————
Арышт Надзеі Лай напярэдадні суда:
Российские праваахоўныя органы зноў паддаліся на ілжывую правакацыю консульства КНР

У гадавіну рэпрэсіяў Фалуньгун у Кітаі пададзены тысячы пазоваў на Цзян Цзэміня

У розных краінах праходзяць мерапрыемствы, прысвечаныя 16-годдзю пачатка ў Кітаі жорсткіх рэпрэсіяў супраць дзясяткаў мільёнаў прыхільнікаў духоўнае практыкі Фалуньгун. У гэтым годзе галоўнай тэмай мерапрыемстваў з’яўляецца прыцягненне да суда ў КНР галоўнага пачынальніка рэпрэсіяў, былога генеральнага сакратара Цзян Цзэміня. /epochtimes.ru/

meiguo-676x450
Прыхільнікі Фалуньгун па ўсім свеце праводзяць мірныя шэсця, мітынгі, а таксама іншыя акцыі, накіраваныя на інфармаванне шырокае грамадскасці пра пераслед іх аднадумцаў у Кітаі. Яны таксама заклікаюць усіх людзей добрае волі дапамагчы спыніць гэтыя рэпрэсіі.

20 ліпеня 1999 года па ўласным рашэнні Цзян Цзэміня самая папулярная ў той час у Кітаі духоўна-аздараўленчая сістэма самаўдасканалення Фалун Дафа (Фалуньгун), якая атрымала ў краіне мноства ўзнагародаў, была абвешчаная незаконнай. У першую ж ноч пасля забароны ў ходзе паліцэйскіх аблаваў па ўсёй краіне былі арыштаваныя дзясяткі тысяч кансультантаў пунктаў практыкі Фалуньгун. І гэта быў толькі пачатак.

Праз некалькі гадоў свет упершыню даведаўся аб дагэтуль нябачаным злачынстве, якое можа здзейсніць кіруючы рэжым у дачыненні да сваіх грамадзян. Апынулася, што ў вязняў сумлення ў Кітаі пры падтрымцы камуністычнага ўрада шырокамаштабна здабываюць органы для продажу. Пры гэтым, каб органы былі максімальна свежымі, іх выразаюць у яшчэ жывых людзей, пасля чаго іх целы проста спальваюць. Большасць такіх вымушаных донараў – гэта прыхільнікі Фалуньгун.

Пераслед Фалуньгун, які лічыцца самым маштабным і жорсткім у гісторыі, доўжыцца да гэтага часу. Гэтая кампанія рэпрэсіяў закранула ўсе сферы кітайскага грамадства і ў рознай ступені закранула кожную кітайскую сям’ю.

Па розных ацэнках, у выніку гэтага пераследу ўжо загінула ад некалькіх тысяч да некалькіх мільёнаў чалавек. Пры гэтым у такіх асаблівых рэгіёнах Кітая, як Ганконг і Аамынь, а таксама ў Тайвані, над якімі няма прамога кантролю з боку кампартыі, практыка Фалуньгун не забароненая і вельмі папулярна.

Нават у самым кантынентальным Кітаі з пачатку рэпрэсіяў і да сённяшняга дня няма аніводнага дакумента кампетэнтных органаў, які пацвярджае легальнасць гэтае палітыкі падаўлення. Кітайскія юрысты ўжо даўно паказваюць на тое, што забарона Фалуньгун з’яўляецца парушэннем законаў і Канстытуцыі КНР.

Нарастаючная хваля судовых пазоваў супраць Цзян Цзэміня

У траўні гэтага года, пасля таго як кітайскія ўлады абавязалі суды разглядаць усе пазовы і зрабілі больш жорсткім пакаранне за адмову гэта рабіць, у Кітаі пачалася хваля падачы іскавых заяваў на былога генеральнага сакратара Цзян Цзэміня. Пазоўнікамі выступаюць прыхільнікі Фалуньгун, якія абвінавачваюць былога лідара кампартыі і краіны ў генацыдзе, катаваннях, злачынстве супраць чалавечнасці, перавышэнні паўнамоцтваў, злоўжыванні ўладай ды іншых злачынствах.

Па дадзеных інфармацыйнага сайта паслядоўнікаў Фалуньгун «Мінхуэй» на 16 ліпеня, пазовы ў Вярхоўны суд і Вярхоўную пракуратуру Кітая ўжо падалі мінімум 82.226 чалавек. Кожны тыдзень іх колькасць расце ў сярэднім больш чым на 10 тысяч, а за апошні тыдзень з 10 па 16 ліпеня пазовы падалі мінімум 22.070 чалавек.

Пазовы ў асноўным адпраўляюцца па пошце. Каля паловы пазоўнікаў ўжо атрымалі пацвярджэнне аб тым, што іх заява атрымана адрасатам.

Афіцыйнае рэакцыі кітайскага ўрада на гэтыя падзеі пакуль няма. Гэтая тэма з’яўляецца вельмі адчувальнай для кампартыі. У КНР яшчэ ніколі грамадзяне не спрабавалі прыцягнуць да суду генеральнага сакратара, хай нават і былога.

Аднак ёсць мноства паведамленняў ад пазоўнікаў ў розных рэгіёнах Кітая, якія распавядаюць, што да іх па распараджэнні суда прыходзілі паліцэйскія ці ж іх выклікалі ва ўчастак для праверкі сапраўднасці названага ў іх пазове адраса, імя, а таксама некаторых дэталяў іх заявы. Уся інфармацыя пратакалявалася і давалася ім пад роспіс.

Некаторыя паліцыянты казалі, што калі апынецца, што асабістыя дадзеныя ў пазове несапраўдныя, то суд не зможа завесці справу.

У той жа час у асобных раёнах Кітая адбыліся выпадкі затрымання пазоўнікаў. Так, у горадзе Харбіне правінцыі Хэйлунцзян і горадзе Баацзы правінцыі Шэньсі нядаўна былі арыштаваныя каля 40 прыхільнікаў Фалуньгун, якія падалі пазовы на Цзяна. Але гэтыя выпадкі адзінкавыя і не маюць масавага характару.

Таксама, па інфармацыі з крыніц кіравання пошт і тэлеграфаў КНР, у працу цэнтра апрацоўкі карэспандэнцыі ў Пекіне ўжо ўмяшалася Дзяржаўнае кіраванне бяспекі, і частка судовых пазоваў не дайшла да адрасата.

Крыніца: Великая Эпоха