Category Archives: Сітуацыя ў Кітаі

Забітыя дзеля органаў. Адкрытае прызнанне лекара аб гвалтоўным здабыванні органаў у жывых людзей

Забітыя дзеля органаў. Адкрытае прызнанне лекара аб гвалтоўным здабыванні органаў у жывых людзей

Enver-Tohti-i-Etan-Gutman-na-slushaniyah-po-voprosu-ob-izvlechenii-organov-u-uznikov-sovesti-v-Kitae.-Foto-ru.clearharmony.net_-e1500037201146
Энвер Тохти і Этан Гутман на слуханнях па пытанні аб выманні органаў у вязняў сумлення ў Кітаі. Фота: ru.clearharmony.net

«Быў крывацёк. Ён быў яшчэ жывы », — кітайскі лекар Энвер Тохці распавёў групе экспертаў у Ірландыі аб выманні органаў у вязняў сумлення ў Кітаі.

Доказы масавага здабывання органаў у Кітаі прадставілі Дэвід Мэйтас, Этан Гутман ды іншыя эксперты падчас выступу перад аб’яднаным камітэтам па замежных справах, гандлі і абароне. Дэвід Мэйтас і Этан Гутман вылучаныя на Нобелеўскую прэмію міру за іх даследчую працу пра Кітай.

Экспертная група прадставіла шэраг рэкамендацыяў, у тым ліку настойліва заклікала ўрад забараніць «трансплантацыйны турызм» — надзвычай прыбытковы бізнэс, шырока распаўсюджаны ў Кітаі, куды грамадзяне многіх краін ездзяць, каб атрымаць органы для перасадкі.

Асноўнымі ахвярамі ў сферы трансплантацыі органаў у Кітаі з’яўляюцца паслядоўнікі Фалуньгун, мірнай традыцыйнай медытатыўнай практыкі, асноўнымі прынцыпамі якой з’яўляюцца Ісціна, Дабрыня, Цярпенне. Камуністычная партыя Кітая пачала пераслед Фалуньгун ў 1999 годзе, і ён працягваецца да сёння.

Трансплантацыйны турызм ужо забаронены ў Ізраілі, Тайвані, Італіі ды Іспаніі.

Гутман кажа, што гэта крытычны момант у крытычны час, прыйшоў час дзейнічаць.

Доктар Энвер Тохці сказаў, што правёў аперацыю па здабыцці органаў у 1990-х гадах, мяркуючы, што выконвае свой абавязак па «ліквідацыі ворага дзяржавы».

«Кожны раз, калі я распавядаю пра гэта, гэта падобна на прызнанне», — адзначыў ён перад сустрэчай у камітэце.

Лекар сказаў, што пры камуністычным кіраванні вы становіцеся самаздаволеным рабом, «цалкам запраграмаваным чальцом грамадства, гатовым выканаць любое заданне, не задаючы пытанняў».

Тохці распавёў, што ў 1995 годзе галоўны хірург папрасіў яго падрыхтаваць каманду да «вялікай аперацыі».

На наступную раніцу Тохці ды яго каманда былі выведзеныя з лякарні, ім загадалі чакаць стрэлаў.
«Пасля таго, як мы пачулі стрэлы, мы вярнуліся ў будынак шпіталя. Узброены афіцэр накіраваў нас у далёкі правы кут аперацыйнай, дзе я ўбачыў чалавека ў цывільным, які ляжыць на падлозе з кулявым раненнем у правым баку грудзей», — распавёў Тохці.

Потым галоўны хірург загадаў яму дастаць печань і дзве ныркі. «Гэты чалавек быў жывы», — адзначыў Тохці. Паранены спрабаваў супраціўляцца, але быў занадта слабы.

«Даведаўшыся, што камуністычная партыя займаецца здабываннем органаў у жывых людзей, я ўсвядоміў, што сам быў саўдзельнікам гэтага, і я адчуваю сябе вельмі вінаватым. Я асабіста праводзіў гэтыя аперацыі па выманні печані ды нырак … Я спадзяюся забыцца ўсё тое, што адбылося і малюся аб прабачэнні. У той час, здзяйсняючы гэтыя безразважныя дзеянні, я нічога не ведаў. Я прашу прабачэння, больш нічога не магу сказаць », — сказаў Тохти.

Дапамажыце спыніць гвалтоўнае выманне органаў у жывых людзей у Кітаі. Падпішыце петыцыю ў ААН на change.org
Пасля рэгістрацыі для трансплантацыі органаў за межамі Кітая час чакання складае ад некалькіх месяцаў да некалькіх гадоў, у залежнасці ад тыпу органа. Але эксперты выявілі, што ў Кітаі свежы орган можа быць дастаўлены на працягу некалькіх дзён ці тыдняў.

Адным з рухаючых фактараў, якія стымулююць трансплантацыйны турызм, з’яўляецца высокі попыт на органы.

Гутман сцвярджае, што здабыванне органаў у Кітаі адбываецца з 1991 года.

Тохці апісаў бесчалавечны характар гандлю органамі ў Кітаі, спасылаючыся на тэрміны, якія выкарыстоўваюцца на кітайскіх сайтах трансплантацыі, такія як «неабмежаванае забеспячэнне» ды «напярэдадні вашае трансплантацыі сэрца».

Тохці, уйгуры па нацыянальнасці, таксама згадаў нядаўнія паведамленні аб бясплатных нацыянальных праверках здароўя ў рэгіёне Сіньцзян для «паляпшэння якасці жыцця ўйгураў».

«Мы падазраем, што кампартыя стварае нацыянальную базу дадзеных для гандлю органамі», — сказаў ён.

Уйгуры — гэта мусульманская этнічная меншасць, пераважная кітайскімі ўладамі, і, як паведамляецца, яны таксама прызначаліся для здабывання органаў.

Гутман, Мэйтас і Кілгур падрыхтавалі ды апублікавалі ў чэрвені мінулага года амаль 700-старонкавую справаздачу пра выманне органаў у вязняў сумлення ў Кітаі. Паводле няпоўных дадзеных, там праводзіцца ад 60 000 да 100 000 перасадак у год.

Крыніца: NTD Television

Дапамажыце спыніць гвалтоўнае выманне органаў у жывых людзей у Кітаі. Падпішыце петыцыю ў ААН на href=”https://www.change.org/p/%D0%BE%D1%81%D1%82%D0%B0%D0%BD%D0%BE%D0%B2%D0%B8%D1%82%D1%8C-%D1%83%D0%B1%D0%B8%D0%B9%D1%81%D1%82%D0%B2%D0%B0-%D0%BB%D1%8E%D0%B4%D0%B5%D0%B9-%D1%80%D0%B0%D0%B4%D0%B8-%D0%B8%D1%85-%D0%BE%D1%80%D0%B3%D0%B0%D0%BD%D0%BE%D0%B2″>change.org

На былога кіраўніка Кітая падалі больш 150 000 пазоваў

Кітайцы працягваюць масава падаваць судовыя пазовы на былога кіраўніка краіны. Цзян Цзэмінь займаў пасаду генеральнага сакратара кампартыі Кітая з 1989 па 2002 год. Сотні тысяч пазоўнікаў сцвярджаюць: ён вінаваты ў генацыдзе, незаконных арыштах і катаваннях, карупцыі, злоўжываннях паўнамоцтвамі і яшчэ больш за дзесяць відах злачынстваў. Паводле апошніх дадзеных, у суд на Цзян Цзэміня ў Кітаі пададзена ўжо больш за 150 тысяч пазоваў.

Пазоўныя заявы паступаюць у Вярхоўную пракуратуру і Вярхоўны суд КНР. Падаюць іх, у асноўным, прыхільнікі духоўнае практыкі Фалуньгун, а таксама чальцы іх сем’яў.

Па вызначэнні, генацыд накіраваны на знішчэнне якой-небудзь групы людзей. Загад знішчыць шматмільённую групу паслядоўнікаў Фалуньгун ў Кітаі Цзян Цзэмінь аддаў у ліпені 1999 года. Па дадзеных міжнародных праваабаронцаў, за 16 гадоў рэпрэсіяў, якія працягваюцца да гэтага часу, мільёны нявінных людзей трапілі ў турмы і працоўныя лагеры за свае перакананні, больш за 100 тысяч падвергліся катаванням і сталі інвалідамі, тысячы былі забітыя.

Пазовы на былога генеральнага сакратара кампартыі пададзены і за межамі Кітая – у 19 краінах свету.

Чалец парламента Латвіі, акадэмік Андрыс Буйкіс падтрымаў гэты рух у сваёй краіне.

[Андрыс Буйкис, дэпутат Сейма Латвіі]:
«Правільна рабіць гэта ў Кітаі ды ў іншых краінах, каб дапамагчы прыхільнікам Фалуньгун».

А гэты мітынг праходзіць перад пасольствам КНР у Вашынгтоне.

[Чжан Ляньпін, пазоўніца]:
«Раней у мяне было вельмі дрэннае здароўе, была гіпертанічная хвароба сэрца, але калі я пачала займацца практыкай (Фалуньгун), усё прайшло. Я патэлефанавала сваім братам і сёстрам у Кітаі, каб падзяліцца гэтай радасцю. І з-за гэтага званка іх падвергнулі моцнаму ціску і нападкам. Цяпер мае родныя жывуць у пастаянным страху. Таму я падаю ў суд на Цзян Цзэміня».

А гэты мужчына ў 2001 годзе ездзіў са сваёй жонкай у Кітай, дзе падвергнуўся збіцьцю за публічную акцыю ў падтрымку рэпрэсаваных.

[Кіт Веар, пазоўнік]:
«Мяне збілі ды арыштавалі ў Кітаі. За тое, што я разгарнуў плакат з надпісам «Ісціна, Дабрыня, Цярпенне». (Гэта прынцыпы Фалуньгун) Гэта законна, але мяне ўсё роўна арыштавалі. Калі б Цзян Цзэмінь не прыняў рашэнне пераследваць Фалуньгун, мяне б не арыштавалі».

Масава падаваць пазовы на Цзян Цзэміня ў Кітаі пачалі ў траўні гэтага года. Гэта стала магчымым дзякуючы таму, што ў краіне прынялі закон, які дазваляе ўсім грамадзянам быць пазоўнікамі ў крымінальных справах. У шэрагу выпадкаў пазовы прымаюць, але ў некаторых раёнах пазоўнікаў арыштоўвае паліцыя.

Прыхільнікі Фалуньгун у Кітаі ўсё яшчэ застаюцца самай шматлікай групай вязняў сумлення ў свеце.

Крыніца: http://ntdtv.ru/
——————————-
Яшчэ артыкулы па гэтай тэме:

Заявы кітайскіх службоўцаў аб паляпшэннях ў галіне транспланталогіі выклікаюць сумневы
Улады Кітая блакуюць на мяжы пазовы на былога генеральнага сакратара Цзян Цзэміня
Амаль дзве тысячы лекараў у Кітаі гвалтоўна здабываюць органы

У гадавіну рэпрэсіяў Фалуньгун ў Кітаі пададзены тысячы пазоваў на Цзян Цзэміня

У розных краінах праходзяць мерапрыемствы, прысвечаныя 16-годдзю пачатка ў Кітаі жорсткіх рэпрэсіяў супраць дзясяткаў мільёнаў прыхільнікаў духоўнае практыкі Фалуньгун. У гэтым годзе галоўнай тэмай мерапрыемстваў з’яўляецца прыцягненне да суда ў КНР галоўнага пачынальніка рэпрэсіяў, былога генеральнага сакратара Цзян Цзэміня. /epochtimes.ru/

meiguo-676x450
Прыхільнікі Фалуньгун па ўсім свеце праводзяць мірныя шэсця, мітынгі, а таксама іншыя акцыі, накіраваныя на інфармаванне шырокае грамадскасці пра пераслед іх аднадумцаў у Кітаі. Яны таксама заклікаюць усіх людзей добрае волі дапамагчы спыніць гэтыя рэпрэсіі.

20 ліпеня 1999 года па ўласным рашэнні Цзян Цзэміня самая папулярная ў той час у Кітаі духоўна-аздараўленчая сістэма самаўдасканалення Фалун Дафа (Фалуньгун), якая атрымала ў краіне мноства ўзнагародаў, была абвешчаная незаконнай. У першую ж ноч пасля забароны ў ходзе паліцэйскіх аблаваў па ўсёй краіне былі арыштаваныя дзясяткі тысяч кансультантаў пунктаў практыкі Фалуньгун. І гэта быў толькі пачатак.

Праз некалькі гадоў свет упершыню даведаўся аб дагэтуль нябачаным злачынстве, якое можа здзейсніць кіруючы рэжым у дачыненні да сваіх грамадзян. Апынулася, што ў вязняў сумлення ў Кітаі пры падтрымцы камуністычнага ўрада шырокамаштабна здабываюць органы для продажу. Пры гэтым, каб органы былі максімальна свежымі, іх выразаюць у яшчэ жывых людзей, пасля чаго іх целы проста спальваюць. Большасць такіх вымушаных донараў – гэта прыхільнікі Фалуньгун.

Пераслед Фалуньгун, які лічыцца самым маштабным і жорсткім у гісторыі, доўжыцца да гэтага часу. Гэтая кампанія рэпрэсіяў закранула ўсе сферы кітайскага грамадства і ў рознай ступені закранула кожную кітайскую сям’ю.

Па розных ацэнках, у выніку гэтага пераследу ўжо загінула ад некалькіх тысяч да некалькіх мільёнаў чалавек. Пры гэтым у такіх асаблівых рэгіёнах Кітая, як Ганконг і Аамынь, а таксама ў Тайвані, над якімі няма прамога кантролю з боку кампартыі, практыка Фалуньгун не забароненая і вельмі папулярна.

Нават у самым кантынентальным Кітаі з пачатку рэпрэсіяў і да сённяшняга дня няма аніводнага дакумента кампетэнтных органаў, які пацвярджае легальнасць гэтае палітыкі падаўлення. Кітайскія юрысты ўжо даўно паказваюць на тое, што забарона Фалуньгун з’яўляецца парушэннем законаў і Канстытуцыі КНР.

Нарастаючная хваля судовых пазоваў супраць Цзян Цзэміня

У траўні гэтага года, пасля таго як кітайскія ўлады абавязалі суды разглядаць усе пазовы і зрабілі больш жорсткім пакаранне за адмову гэта рабіць, у Кітаі пачалася хваля падачы іскавых заяваў на былога генеральнага сакратара Цзян Цзэміня. Пазоўнікамі выступаюць прыхільнікі Фалуньгун, якія абвінавачваюць былога лідара кампартыі і краіны ў генацыдзе, катаваннях, злачынстве супраць чалавечнасці, перавышэнні паўнамоцтваў, злоўжыванні ўладай ды іншых злачынствах.

Па дадзеных інфармацыйнага сайта паслядоўнікаў Фалуньгун «Мінхуэй» на 16 ліпеня, пазовы ў Вярхоўны суд і Вярхоўную пракуратуру Кітая ўжо падалі мінімум 82.226 чалавек. Кожны тыдзень іх колькасць расце ў сярэднім больш чым на 10 тысяч, а за апошні тыдзень з 10 па 16 ліпеня пазовы падалі мінімум 22.070 чалавек.

Пазовы ў асноўным адпраўляюцца па пошце. Каля паловы пазоўнікаў ўжо атрымалі пацвярджэнне аб тым, што іх заява атрымана адрасатам.

Афіцыйнае рэакцыі кітайскага ўрада на гэтыя падзеі пакуль няма. Гэтая тэма з’яўляецца вельмі адчувальнай для кампартыі. У КНР яшчэ ніколі грамадзяне не спрабавалі прыцягнуць да суду генеральнага сакратара, хай нават і былога.

Аднак ёсць мноства паведамленняў ад пазоўнікаў ў розных рэгіёнах Кітая, якія распавядаюць, што да іх па распараджэнні суда прыходзілі паліцэйскія ці ж іх выклікалі ва ўчастак для праверкі сапраўднасці названага ў іх пазове адраса, імя, а таксама некаторых дэталяў іх заявы. Уся інфармацыя пратакалявалася і давалася ім пад роспіс.

Некаторыя паліцыянты казалі, што калі апынецца, што асабістыя дадзеныя ў пазове несапраўдныя, то суд не зможа завесці справу.

У той жа час у асобных раёнах Кітая адбыліся выпадкі затрымання пазоўнікаў. Так, у горадзе Харбіне правінцыі Хэйлунцзян і горадзе Баацзы правінцыі Шэньсі нядаўна былі арыштаваныя каля 40 прыхільнікаў Фалуньгун, якія падалі пазовы на Цзяна. Але гэтыя выпадкі адзінкавыя і не маюць масавага характару.

Таксама, па інфармацыі з крыніц кіравання пошт і тэлеграфаў КНР, у працу цэнтра апрацоўкі карэспандэнцыі ў Пекіне ўжо ўмяшалася Дзяржаўнае кіраванне бяспекі, і частка судовых пазоваў не дайшла да адрасата.

Крыніца: Великая Эпоха

За год у Кітаі ад рэпрэсій загінулі больш за 90 прыхільнікаў Фалуньгун

За год у Кітаі ад рэпрэсій загінулі больш за 90 прыхільнікаў Фалуньгун

repressii-676x427

Фатаздымкі некаторых прыхільнікаў Фалуньгун, якія загінулі ў выніку рэпрэсій у Кітаі ў 2014 годзе. Фота: minghui.org

У 2014 годзе ў Кітаі, у ходзе бесперапынных 15-гадовых рэпрэсій прыхільнікаў духоўнае практыкі Фалуньгун, загінулі не менш за 91 чалавека.

Такія дадзеныя прыводзіць інфармацыйны сайт паслядоўнікаў гэтага духоўнага руху minghui.org, падкрэсліваючы, што гэтыя дадзеныя з’яўляюцца няпоўнымі і рэальныя лічбы могуць быць у некалькі разоў больш, бо камуністычны ўрад строга блакуе ўсю інфармацыю па гэтай тэме.

Для параўнання: у 2013 годзе, па дадзеных сайта, колькасць чальцоў гэтае групы, якія загінулі ў выніку рэпрэсій у Кітаі, склала 76 чалавек, яшчэ каля 5 тысяч чалавек былі арыштаваныя.

У паведамленні гаворыцца, што ў мінулым годзе, як і раней, у Кітаі было зафіксавана мноства фактаў рэпрэсіяў, сярод якіх запалохвання, незаконныя арышты, ператрусы, заключэння, вымагальніцтва, сачэнні, допыты з ужываннем сілы, а гэтак жа катаванні ды суды, якія праходзяць з працэсуальнымі парушэнням.

Усяго ў мінулым годзе былі пацверджаныя 123 новыя выпадкі гібелі прыхільнікаў Фалуньгун ў выніку рэпрэсій. З іх 32 чалавекі загінулі да 2014 года.

Сярод загінуўшых у мінулым годзе 28 чалавек памерлі ў турмах, 17 чалавек — у паліцэйскіх участках і цэнтрах зняволення.

Выпадкі рэпрэсіяў са смяротным зыходам зафіксаваныя ў 23 з 34 раёнаў правінцыйнага ўзроўню. Па колькасці загінуўшых, як і раней, лідэрам з’яўляецца правінцыя Ляанін (21 чалавек), затым ідуць правінцыі Цзілінь (15) і Хэйлунцзян (9).

Сярод загінуўшых найбольшую колькасць складаюць людзі ва ўзросце ад 46 да 60 гадоў. Самаму малодшаму — 26 гадоў, а самаму старэйшаму — 77 гадоў.

У паведамленні прыводзіцца некалькі выпадкаў пераследу, якія наглядна дэманструюць, як кіруючая ў краіне кампартыя распраўляецца з непажаданымі ёй людзьмі.

7 жніўня 53-гадовая жыхарка пасёлка Чушуй правінцыі Цзілінь па імені Чжан Шусянь памерла ад катаванняў у паліцэйскім участку праз некалькі гадзін пасля затрымання. Як распавялі яе сваякі, на ўсім яе целе былі ранкі, сінякі ды апёкі, а скура на нагах ў некалькіх месцах была разрэзана да мяса.

46-гадовага жыхара пасёлка Фунін правінцыі Хэбэй з імем Ван Хайцзінь арыштавалі 22 красавіка і адправілі ў мясцовы цэнтр зняволення. Праз тры месяцы пастаяннага збіцця і рабскае працы ў яго ледзь не страціўся розум, значна пагоршыўся зрок, выпалі зубы, ад бяссілля ён ледзь трымаўся на нагах. У сувязі з дрэнным станам здароўя яго адпусцілі дадому, каб не несці адказнасць у выпадку яго смерці. Ван так і не змог аднавіць здароўе і праз тры месяцы памёр.

55-гадовую Сян Сяабо з горада Цзямусы правінцыі Хэйлунцзян арыштавалі ў канцы 2012 года ды адправілі на два гады ў выпраўленчы лагер. Падчас зняволення ёй практычна кожны дзень рабілі ін’екцыі невядомых лекаў, пасля якіх яна на некалькі гадзін упадала ў стан узбуджэння. У яе з’яўлялася падвышаная фізічная актыўнасць і прыступы памутнення розуму. Яна пачынала хаатычна бегаць, крычаць, размаўляць са сценамі і наносіць сабе траўмы. Пры гэтым лагерныя лекары казалі, што ёй ўводзяць звычайную глюкозу. Неўзабаве фізічнае і псіхічнае здароўе Сян стала рэзка пагаршацца і яе адправілі на лекаванне ў шпіталь за межамі лагера. Праз два месяцы яна памерла.

Паводле інфармацыі сайта «Мінхуэй», усяго за 15 гадоў ад рэпрэсіяў у Кітаі загінулі 3834 прыхільніка Фалуньгун. Але па дадзеных незалежных даследчыкаў, толькі ў выніку санкцыянаванага ўладамі КНР гвалтоўнага здабывання органаў было забіта больш за 60 тысяч паслядоўнікаў гэтае практыкі.

Пры гэтым афіцыйнае забароны на практыку Фалуньгун ў Кітаі няма і, паводле кітайскіх адвакатаў, пераслед адбываецца цалкам з парушэннем законаў і канстытуцыі краіны.

Крыніца: Вялікая Эпоха

У Тайвані пададзены судовы пазоў на былога чыноўніка кампартыі Кітая

Прадстаўнік Асацыяцыі Фалунь Дафа ў Тайвані ў суправаджэнні трох адвакатаў-праваабаронцаў падаў судовы пазоў у пракуратуру Вярхоўнага Суда Тайваня на Сюй Гуанчуня.
1
Сюй – былы высокапастаўлены чыноўнік Камуністычнае партыі Кітая (КПК). На момант падачы пазову ён знаходзіўся з візітам у Тайвані. Судовы працэс прыцягнуў увагу сродкаў масавае інфармацыі.

Увечары таго ж дня адзін з паслядоўнікаў Фалуньгун (Фалунь Дафа) уручыў Сюю, які здзяйсняў турнэ па Тайпэю, судовыя документы. Убачыўшы абвінавачваючы акт, Сюй спехам пакінуў гэтае месца.

Гэта другі выпадак, калі Сюй Гуанчуню ўручаецца пазоў падчас яго знаходжання за мяжой. У ліпені 2005 года, калі Сюй узначальваў дэлегацыю ў Сан-Францыска (ЗША), яму прад’явілі пазоў за «генацыд» і «катаванні».

Адным з пазоўнікаў выступіў паслядоўнік Фалуньгун, які падвергнуўся катаванням у папраўча-працоўным лагеры правінцыі Хэнань.

Старшыня Асацыяцыі Фалун Дафа ў Тайвані прафесар Чун Цыншы дае пацвярджэнне аб пачатку судовага працэсу па справе Сюй Гуанчуня, былога генеральнага сакратара камуністычнае партыі ў правінцыі Хэнань.
2
Па дадзеных апублікаваных справаздач праваабарончых арганізацый, у правінцыі Хэнань існуе цэлая сістэма пераследу паслядоўнікаў Фалуньгун. У яе ўваходзяць некалькі бальніц, якія бяруць удзел у трансплантацыі органаў, канфіскаваных у незаконна зняволеных паслядоўнікаў Фалунь Дафа.

Папярэдняе расследаванне паказала, што больш за сто паслядоўнікаў Фалуньгун былі забітыя ў той час, калі Сюй Гуанчунь знаходзіўся на пасадзе генеральнага сакратара камуністычнае партыі гэтае правінцыі.

Юрысты заявілі, што Сюй з’яўляецца першым чалавекам, якому прад’явілі судовы пазоў, грунтуючыся на «Міжнародным пагадненні па грамадзянскіх і палітычных правах» і «Міжнародным пагадненні па эканамічных, грамадскім і культурным правах», нядаўна прынятым у Тайвані. Ён таксама з’яўляецца першым высокапастаўленым чыноўнікам, якому прад’яўлены пазоў на востраве з тых часоў, як сталі развівацца эканамічныя адносіны Тайваня з Кітаем.

Чалец Заканадаўчага Сходу Тайваня Цянь Чыу Цзінь звярнуўся да ўрада з прапановай правяраць інфармацыю аб запрошаных службовых асобах КПК, асабліва аб іх рэпутацыі ў галіне выканання правоў чалавека і тое акалічеасці, ці былі яны ўцягнутыя ў ажыццяўленне рэпрэсій Фалуньгун.
3
Паслядоўнікі Фалуньгун стаяць з плакатамі ўздоўж дарогі, па якой следуе аўтакалона Сюй Гуанчуня

Сюй Гуанчунь – адзін з галоўных абвінавачаных па справе аб пераследах Фалуньгун

Сюй – адзін з галоўных злачынцаў, адказных за распальванне нянавісці да паслядоўнікам Фалуньгун і за падтрымку іх незаконнага пераследу.

Задоўга да таго, як пачаліся рэпрэсіі, Сюй ўжо распаўсюджваў хлусьню пра Фалуньгун. У 1996 годзе па загадзе былога лідэра кампартыі Кітая Цзян Цзэміня, Сюй злоўжыў сваёй уладай намесніка начальніка аддзела прапаганды ЦК КПК. Ён аказваў ціск на дзяржаўныя газеты, імкнучыся прымусіць іх публікаваць артыкулы з паклёпам на Фалуньгун.

Гэта цалкам парушала палітыку «трох не», прынятую Дзяржрадай. (Палітыка «трох няма» – гэта палітыка, якая праводзіцца Дзяржрадай, якая засноўваецца на свабодзе і веры. «Тры няма» абвяшчаюць: «Не падтрымцы, няма падаўленьня, няма паклёпе»).

Калі намаганні не прынеслі выніку, Сюй выкарыстаў свае асабістыя сувязі з працаўнікамі газеты Guangming Daily, каб апублікаваць артыкулы, якія паклёпнічаюць на Фалуньгун.

Пасля таго як у 1999 годзе Цзян разгарнуў кампанію незаконнага пераследу Фалуньгун, Сюй выкарыстаў СМІ для таго, каб нападаць на Фалунь Дафа. Ён фабрыкаваў паклёп, імкнучыся падавіць грамадскую думку, а таксама блакаваў выхад навінаў з праўдзівай інфармацыяй. Для ажыццяўлення сваіх злачынных дзеянняў Сюй скарыстаўся сваёй уладай у Міністэрстве тэлебачання і радыёвяшчання і зрабіў тое ж самае пазней, будучы кіраўніком Дзяржаўнага камітэта радыё, кіно і тэлебачання.

4

Сюй Гуанчунь дапамагаў Цзян Цзэміня ў незаконных пераследах паслядоўнікаў Фалуньгун. Ён пераехаў у правінцыю Хэнань, каб заняць пасаду сакратара парткама гэтае правінцыі. У канцы снежня 2005 года ён стаў старшынёй Савета народных прадстаўнікоў правінцыі Хэнань. Сюй аддаў ў 1996 годзе прамой загад, прымусіўшы газету Guangming Daily апублікаваць хлуслівыя артыкулы пра Фалуньгун. Ён таксама адказны за вядзенне злоснае прапаганды праграмай Цэнтральнага тэлебачання Кітая (CCTV) «Focal Point Interview».

60-гадовы Сюй Гуанчунь пачынаў як аператар службы навінаў агенцтва Сіньхуа ў правінцыі Аньхой. Так як сям’я яго цешчы была блізкая да Цзян Цзэміня, Сюй быў таксама бязмежна адданы яму. Яго перавялі ў Шанхайскае аддзяленне Агенцтва навін Сіньхуа, і пазней ён адправіўся ўслед за Цзянам ў Пекін. У Пекіне ён працаваў дырэктарам Guangming Daily. Праз некалькі гадоў ён стаў намеснікам начальніка аддзела прапаганды ЦК КПК і пазней заняў пасаду старшыні Дзяржкамітэта па тэлебачанні і радыёвяшчанню. Яго жонка Хань Уфэн скарысталася становішчам мужа, каб умацаваць свой прафесійны статус. Займаючы пасаду чыноўніка высокага рангу, яна адрозніваецца крайнімй высакамерыем, што выклікае нараканні з боку многіх людзей.

Плакаты паслядоўнікаў Фалуньгун расцягнуліся больш чым на сто метраў уздоўж шашы Тапангу
5

У канцы 2002 стала вядома пра групавы карупцыі ў штаце найбуйнейшай газеты Гуанчжоу, і імёны высокіх чыноўнікаў, замешаных ць хабарах, сталі здабыткам галоснасьці. Імя Сюй Гуанчуня таксама прагучала ў спісе карупцыянераў. Пасля таго як гэта злачынства раскрылі, Сюй стаў выказваць Цзян яшчэ большую адданасць і падуладнасць. Справа дайшла нават да таго, што ён з дапамогай Цзэн Цінхуа выключыў грошы з адмысловага фонду, каб прасунуць адну спявачку, вядомую тым, што ёй аказвае ўвагу Цзян. Як вынік, па пратэкцыі Цзяна злачынцу ўдалося пазбегнуць крымінальнага пераследу і захаваць сваю пасаду.

Яшчэ горш ішла справа ў кіно і тэлевізійнай індустрыі. Многія выказвалі незадавальненне працай Сюя. Усяго праз год яго знялі з пасадаў намесніка начальніка аддзела прапаганды ЦК і кіраўніка Дзяржкамітэта радыё, кіно і тэлебачання і перавялі ў правінцыю Хэнань. Але нягледзячы на гэта ён, маніпулюючы сродкамі масавае інфармацыі, заявіў, што Цэнтральны Камітэт правярае яго на гэтай пасадзе, каб пасля даць яму высокія паўнамоцтвы.

Арыгінал артыкула:

http://www.faluninfo.ru/news/persecutions/Iski-vinovnym-v-presledovanii/394.html

—————————-
Іншыя артыкулы па тэме незаконных пераследаў паслядоўнікаў Фалуньгун .